Joshua 24:31 - Tedim Bible

³¹ Joshua’ khang sung le Joshua sangin sau a nungtazaw upate khempeuh khang sungin Israel mite in Topa’ na sem a, Israel mite a dingin Topa in a sep na khempeuh a thei uh hi.

Tedim Bible Revision 2017

³¹ Joshuaʼ khang sung le Joshua sangin sau a nungta zaw upate khempeuh khang sungin Israel mite in Topaʼ na sem a, Israel mite adingin Topa in a sep na khempeuh a thei uh hi.

Joshua 24:31 Iomraidhean Croise

Piancilna 14:10

Siddim Kuam pen kultal khukte tawh kidim a, Sodom le Gomorrah kumpite a tai uh ciangin pawlkhat tua khukte sungah kia uh a, a omlai teng mualtungah tai uh hi.

2 KHANG TANGTHU NIHNATE 24:2

Siampi Jehoiada’ hunsung khempeuh Topa’ mitah Joash a manin gamta hi.

2 KHANG TANGTHU NIHNATE 34:33

Tua ciangin Josiah in Israel mite’ neihsa gam sung khempeuh panin a kihhuaite khempeuh lakhia a, Israel sunga om mi khempeuh Topa amaute’ Pasian’ na a semsak hi. Ama nuntak sung khempeuh amau’ pute pate’ Pasian ahi Topa zuihna panin amaute kiheikhia lo uh hi.

Sawltak 20:29

Kei ka om nawn loh ciangin, sa gilote in gannote a phialgawp bangin, mi pawlkhat in thu um mite hong phialgawp ding lamtak ka thei hi.

Thu-hilhkikna 11:2

Tuni-in ngaihsun un (a thei nai lo, a mu nai lo na tate uh tungah a gen hi lo ka hih ciangin), Topa note’ Pasian’ hong thuhilhna, ama liatna, a vangliatna le a thahatna,

Thu-hilhkikna 11:7

Bang hang hiam cih leh Topa’ hihsa a nasepna a liante khempeuh na mitte un mu khin hi.

Thu-hilhkikna 31:29

Bang hang hiam cih leh ka sih khit ciangin note siatgamtatin, note kong sawlna lampi panin na pial taktak ding lam uh ka thei hi. Note’ sepna tawh amah hehsakin, Topa’ muhna-ah a sia gamta ding na hih manun, hong pai ding hunte-ah, note’ tungah gimna hong tung ding hi,” a ci hi.

Filippi 2:12

Tua ahih ciangin ka hong it sanggamte aw, note tawh ka hong omkhawm lai-in ka thu na hong man’ tawntung uh mah bangin, tu-in note tawh ka hong omkhawm loh hun ciangin zong ka thu na hong man’ ding uh thupizaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Thukhente 2:10

Tua ciangin tua khangmite khempeuh zong si khin uh a, amaute’ khit ciangin Topa hitaleh, Israel-te a dingin a septe hitaleh a thei lo khangthak hong piang uh hi.

Thukhente 2:6

Joshua in mite ciahsak a, Israel mite zong leitang luah dingin amau’ gamh ciatah pai uh hi.

Thukhente 2:7

Mite in Joshua’ nuntak sung le, Israel-te a dingin Topa’ sepsa na lian khempeuh a mu, Joshua sanga sau a nungta zawte khempeuh nuntak sungin Topa’ na sem uh hi.