Joshua 24:27 - Tedim Bible

²⁷ Tua ciangin Joshua in mi khempeuh kiangah, “En un, hih suangtum pen eite’ langkhatah teci hi ding hi. Bang hang hiam cih leh Topa in eite tungah hong thugen khempeuh hih suangtum in za khin hi. Tua ahih ciangin note, na Pasian uh tungah a man loin na gamtat loh nadingun hih suangtum pen note’ langkhatah teci hi ding hi,” a ci hi.

Tedim Bible Revision 2017

²⁷ Tua ciangin Joshua in mi khempeuh kiangah, “En un, hih suangtum pen eiteʼ lang khat ah teci hi ding hi. Bang hang hiam cih leh Topa in eite tungah hong thugen khempeuh hih suangtum in za khin hi. Tua ahih ciangin note, na Pasian uh tungah a man loin na gamtat loh nadingun hih suangtum pen noteʼ lang khat ah teci hi ding hi,” a ci hi.

Joshua 24:27 Iomraidhean Croise

JOB (Job) 31:23

Pasian’ gimpiak ding kihta ka hih manin, tua bang peuhmah ka gamta ngei kei ding hi.

JOB (Job) 31:28

Tua bang mawhna in sihna a thuak ding hi a, tua bang mawhna pen Vanglian Pasian nialna ahi hi.

Paunak 30:9

Haulua leng nang hong nialin, “Topa i cih kua ahi hiam?” kong ci kha ding a, zawnglua leuleu leng mi’ na guksakin ka Pasian’ min kong daisak khazel ding hi.

Isaiah 1:2

Vantungte aw, na za un; leitung aw, na ngai in; bang hang hiam cih leh Topa in thu hong gen khinzo a, “Ka pattahsa ka tate in kei hong lehdo uh hi.

Isaiah 59:13

Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuauthu vive ahi hi.

Habakkuk 2:11

Note a hong langpan’ dingin kulh suangte nangawn hong kiko ding a, innkamte in zong kikopih ding uh hi.

Gamlak-vakna 11:20

na ikkhiat dong uh le na kih dong matengun kha khat sung tawntung sa na ne ding uh hi. Bang hang hiam cih leh note’ lakah a om Topa nialin a mai-ah na kap uh a, “Bang hangin Egypt panin paikhia ihi hiam?” na ci uh hi,’ ci in,” a ci hi.

Mattiu 10:33

Ahi zongin keima mi ahihna thu mite’ theihin a genkhia nuam lote, kei zong vantungah ka Pa’ mai-ah keima mi ahihna thu ka genkhia nuam kei ding hi.

Luka 19:40

Jesuh in, “Ke’n kong cihin-ah, hih mite in hong phat loin khawl ta le-uh zong, hih lamdung a suangte in phatin awng veve ding uh hi,” ci-in a dawng hi.

Thu-hilhkikna 30:19

Tuni-in note’ langkhatah teci a pang dingin vantung le leitung ka sam a, note’ mai-ah na teel dingun nuntakna le sihna, thupha le samsiatna ka koih hi. Tua ahih ciangin note le na suanlekhakte uh na hintheih nadingun nuntakna teel unla,

Thu-hilhkikna 31:19

“Tua ahih ciangin hih lai gelh inla, Israel mite hilh in. Hih la, kei a dingin Israel mite’ langkhatah teci a suah theih nadingin amaute tungah hilh in.

Thu-hilhkikna 31:21

Siatna le haksatnate amaute tungah a tun ciangin hih la, teci-in amaute’ langkhatah pang ding hi (bang hang hiam cih leh a suanlekhakte un mangngilh lo ding uh hi); bang hang hiam cih leh piak dingin ka kiciam leitangah amaute ka paipih ma-in, amau’ vaihawm kholh a ngimnate uh ka thei hi,” a ci hi.

Thu-hilhkikna 31:26

“Hih Thukham laibu la unla, note’ langkhatah teci dingin a om theih nadingin Topa na Pasian uh Thuciamna Singkuang gei-ah koih un.

Thu-hilhkikna 32:1

“Vantungte aw, ngai un, thu kong gen ding hi. Ka thugente leitung in za hen.

Thu-hilhkikna 4:26

Jordan galkhat luah dingin na paina leitang uhah na siat maimang baih nadingun note’ langkhatah teci pang dingin tuni-in van le lei ka sam hi. Tua leitang tungah note sauvei na hing kei ding uh a, na siamaimang ding uh hi.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadahhuai, a thumang lo, na hoih sem dingin a kilawmna a om lo mite ahi uh hi.

Joshua 22:34

Reuben mite le Gad mite in a biakna tau uh min dingin “Teci” a phuak uh hi. “Bang hang hiam cih leh Topa pen Pasian ahihna thu eite’ kikalah teci ahi hi,” amaute in ci uh hi.

Joshua 24:28

Tua ahih ciangin Joshua in a milipin amau’ gamh ciatah, mite a ciahsak hi.

Mangmuhna 3:8

Note’ nasepnate ka thei hi. Na tha uh a hat loh hangin ka thu zui-in kei tungah na hong cihtakna uh ka thei hi. Tua ahih manin kuamah in a khak zawh loh ding kong, note’ mai-ah honsa-in ka koih hi.

1 SAMUEL MASA 7:12

Tua ciangin Samuel in suangtum khat la-in Mizpah le Jeshanah kikalah phut a, a min Ebenezer a phuak hi; bang hang hiam cih leh amah in, “Hih pen Topa in eite hong huhna teci ahi hi,” a ci hi.