Joshua 24:26 - Tedim Bible

²⁶ Tua ciangin Joshua in Pasian’ thukham laibu sungah hih kammalte a gelh hi. Amah in suangtum lianpi khat la-in Topa biakna mun tawsaw nuai-ah a phut hi.

Tedim Bible Revision 2017

²⁶ Tua ciangin Joshua in Pasianʼ thukham laibu sungah hih kammalte a gelh hi. Amah in suangtum lianpi khat la-in Topa biakna mun tawsaw nuai ah a phut hi.

Joshua 24:26 Iomraidhean Croise

Piancilna 31:45

Tua ahih ciangin Jakob in suang khat la-in khuamin a phut hi.

Piancilna 35:4

Tua ahih ciangin amaute in Jakob’ tungah amau’ neih gamdang pasian khempeuh le a bil uha om bilbahte a pia uh hi. Jakob in Shekhem khua gei-a tawsaw nuai-ah tuate a seel hi.

Piancilna 35:8

Tua ciangin Rebekah a cingnu Deborah si a, Bethel khang tawsaw nuai-ah amah kivui hi. Tua ahih ciangin tua mun min pen Allonbakuth, kici hi.

Paikhiatna 24:4

Moses in Topa’ thugente khempeuh a gelh hi. Zingsangin amah tho baih a, mual bulah biakna tau khat lamin, Israel minam sawm le nihte tawh kituakin khuam sawm le nih a phut hi.

Thukhente 9:6

Tua ciangin Shekhem khuamite khempeuh le Bethmillo khuamite khempeuh hong paikhawm uh a, amaute in Shekhem khua-a tawsaw songpi kiangah Abimelek kumpi a suaksak uh hi.

1 SAMUEL MASA 7:12

Tua ciangin Samuel in suangtum khat la-in Mizpah le Jeshanah kikalah phut a, a min Ebenezer a phuak hi; bang hang hiam cih leh amah in, “Hih pen Topa in eite hong huhna teci ahi hi,” a ci hi.