Joshua 24:2 - Tedim Bible

² Tua ciangin Joshua in mi khempeuh tungah, “Israel Pasian, Topa in hih bangin thu gen a, ‘Tanglai-in Eufratis gun galkhatah na pu na pate uh teng ngei a, tuate lakah Abraham le Nahor’ pa Terah pen khat bek ahi hi. Na pu na pate un pasian dangte bia uh hi.

Tedim Bible Revision 2017

² Tua ciangin Joshua in mi khempeuh tungah, “Israel Pasian, Topa in hih bangin thu gen a, ‘Tanglai-in Eufratis gun gal khat ah na pu na pate uh teng ngei a, tuate lakah Abraham le Nahorʼ pa Terah pen khat bek ahi hi. Na pu na pate un pasian dangte bia uh hi.

Joshua 24:2 Iomraidhean Croise

Piancilna 11:22

Serug kum sawmthum a phak khit ciangin amah in Nahor kici tapa khat nei hi.

Piancilna 11:24

Nahor kum sawmnih le kua a phak khit ciangin amah in Terah kici tapa khat nei hi.

Piancilna 11:26

Terah kum sawmsagih a phak khit ciangin amah in Abram, Nahor, le Haran a nei hi.

Piancilna 11:27

Tu-in Terah’ suanlekhakte hih bang ahi hi. Terah pen Abram, Nahor, le Haran’ pa hi a, Haran pen Lot’ pa ahi hi.

Piancilna 31:19

Laban a tuumul met dingin a paikhia hi a, Rachel in a pa’ innsung pasian-te na gu hi.

Piancilna 31:30

Tu-in nang in na pa’ inn nakpitakin lunggulh na hih manin na paikhia khinta hi. Ahih hangin bang hangin ka pasian-te gu na hi hiam?” a ci hi.

Piancilna 31:32

Na pasian-te na muhna mi peuhpeuh kithat tahen! I behte’ muhna-ah nang a’ ahi na khat peuhpeuh kei’ neihsa lakah a om leh kawkkhia-in la in,” a ci hi. Rachel in Laban’ pasian-te a na guklam Jakob in thei kha lo hi.

Piancilna 31:53

Abraham’ Pasian le Nahor’ Pasian, amau’ pate’ Pasian in eite’ kikalah thu khen ta hen,” a ci hi. Tua ahih ciangin Jakob in ama pa Isaac’ Zahtak pa tawh a kiciam hi.

Piancilna 35:4

Tua ahih ciangin amaute in Jakob’ tungah amau’ neih gamdang pasian khempeuh le a bil uha om bilbahte a pia uh hi. Jakob in Shekhem khua gei-a tawsaw nuai-ah tuate a seel hi.

1 KHANG TANGTHU MASATE 1:27

tua ciangin Abraham a kici Abram ahi suk uh hi.

Isaiah 51:2

Na pa uh Abraham le note’ pianna Sarah ngaihsun dih un. Bang hang hiam cih leh khat bek ahih laitakin amah ka samkhia a, amah thupha pia-in tampi ka phasak hi.

Ezekiel 16:3

Topa Pasian in Jerusalem tungah ka gen hih thute gen in: Jerusalem aw, nang pen Kanaan gam panin a piang na hi hi. Na pa pen Amor mite hi a, na nu pen Hit mite ahi hi.

Luka 3:34

Judah’ pa Jakob, Jakob’ pa Isaac, Isaac’ pa Abraham, Abraham’ pa Terah, Terah’ pa Nahor,

Thu-hilhkikna 26:5

“Topa note’ Pasian mai-ah note in, ‘A vak kawikawi kote’ pupi pen Aram mi hi a, amah Egypt-ah paisukin tua munah a peem lai-in mi tawmno ahi hi. Tua lai-ah amah a lian, a thahat, tampi a pha minam khat a suak hi.

Joshua 24:15

Topa’ na na sepnop kei uhleh, Gun galkhat a a na na sepsak uh na pu na pate uh pasian ahi a, note’ tenna gam Amor mite’ pasian ahi zongin, a na na sepsak ding peuhpeuh uh tuni-in teel un. Ahih hangin kei le ka innkuanpihte in ahihleh Topa’ na ka sem ding uh hi,” a ci hi.