Joshua 24:15 - Tedim Bible

¹⁵ Topa’ na na sepnop kei uhleh, Gun galkhat a a na na sepsak uh na pu na pate uh pasian ahi a, note’ tenna gam Amor mite’ pasian ahi zongin, a na na sepsak ding peuhpeuh uh tuni-in teel un. Ahih hangin kei le ka innkuanpihte in ahihleh Topa’ na ka sem ding uh hi,” a ci hi.

Tedim Bible Revision 2017

¹⁵ Topaʼ na na sepnop kei uh leh, Gun gal khat a, a na na sepsak uh na pu na pate uh pasian ahi a, noteʼ teenna gam Amor miteʼ pasian ahi zongin, a na na sepsak ding peuhpeuh uh tu ni-in teel un. Ahih hangin kei le ka innkuanpihte in ka hih uh leh Topaʼ na ka sem ding uh hi,” a ci hi.

Joshua 24:15 Iomraidhean Croise

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tunsak theih nadingin ama khita a tate le a innkuanpihte in thuman le thutangin nasepna tawh Topa’ thupiakte a zuih theih nadingun a hilh dingin amah ka teel khin hi,” a ci hi.

Piancilna 35:2

Tua ahih ciangin Jakob in a innkuanpihte le amah tawh a omte khempeuh kiangah, “Note lakah a om gamdang pasian-te koihkhia unla, nomau kisiansuahin, na puante uh khek un.

1 KUMPI MASATE 18:21

Tua ciangin mi khempeuh’ nai-ah Elijah hong pai-in, “Ngaihsutna kibang lo thu nih kikalah bang tanvei khensat loin om niloh ding na hi uh hiam? Topa pen Pasian ahihleh amah zui un; tua hi loin Baal pen Pasian ahihleh amah zui un,” a ci hi. Ahi zongin mite in kam khat beek dawng lo uh hi.

1 KHANG TANGTHU MASATE 1:14

le Jebus mite, Amor mite, Girgash mite,

Late 101:2

Paubaanna a om lo thu bek ka kin ding hi. Cik ciangin kei kiangah hong pai ding na hi hiam? Lungsim hoihna tawh ka inn sungah ka gamta ding hi.

Late 119:106

A thuman ahi nangmah biakna ngeina kipte a zui dingin ka kiciam khin a, ka kipsak khin hi.

Paikhiatna 23:2

Siatna a bawl dingin mihon na zui kei ding uh hi. Thutang a hei khia dingin mihonpi nung zui-in thu neihna-ah teci na pang kei ding uh hi.

Paikhiatna 23:24

amau’ pasian-te’ mai-ah note kun loin, tuate bia loin, amau’ gamtat bangin na gamta kei ding uh a, note in amaute lawnthal mang kiuhkeuhin amau’ milim suang khuampite na satnen gawp ding uh hi.

Paikhiatna 34:15

Nangmah in tua leitangah a teng mite tawh thuciamna bawlkha kei in. Amaute in amau’ pasian-te tawh paktatna bawlin amau’ pasian-te’ tungah biakna pia-in, khatpeuh in note hong sap ciangin, note in ama biakpiakna na ne kha ding uh a,

Ezekiel 20:39

Topa Pasian in, “Israel mite khempeuh aw, na milimte uh biabia un! Ahih hangin tu a kipanin keima thu nong man’ uh kul ding a, na milimte uh letsong piakna tawh ka min siangtho na daisak nawn kei ding uh hi,” a hong ci hi.

Daniel 3:18

Kumpipa aw, a hong hotkhiat kei zenzen leh zong, na pasian lah ka bia tuan kei ding uh a, na kham milim mai-ah zong ka kun kei ding uh hi, ci-in theita in,” a ci uh hi.

Siampi Laibu 14:42

Tua ciangin amaute in suang dang la-in, tua suangte’ omna munah koihin, amah in zutna dang la-in tua inn zut ding hi.

Micah 4:5

Bang hang hiam cih leh midangte in amau’ pasian ciat bia-in a thu mang ding uh a, ahi zongin eite in ahihleh eima Topa Pasian mah a tawntungin bia-in ama thu i mang ding hi.

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Thu-hilhkikna 29:18

Note lakah numei ahi a, pasal ahi a, innkuan ahi a, minam khat ahi zongin, tua minamte’ pasian a bia dingin Topa i Pasian kiang panin tuni-in a lungsim a heikhia a omkhak ding kidawm un. Tua hikeileh note lakah gu a nei gah kha a gah singkung hong bang ding a, hih kiciamna kammalte za napi-in a lungsimah amah thupha kipia tawmin, ‘Ka lungsim khauhna tawh ka gamta zongin ka suakta veve ding hi,’ a ci hong om kha ding hi. Hih in mihoih le misia, a kibangin phiatkhiatna hong suaksak ding hi.

Joshua 24:16

Tua ciangin mite in dawngin, “Adang pasian-te’ na a sem dingin Topa nusiat ding ka ngaihsun ngei kei ding uh hi.

Thukhente 6:10

Tua ciangin note kiangah, ‘Kei pen Topa na Pasian uh ka hi hi. Na tenna uh Amor mite’ pasian-te zahtakna na pia kei ding uh hi,’ kong ci hi. Ahih hangin note in ka thu na ngai kei uh hi, ci hi,” a ci hi.