Joshua 23:9 - Tedim Bible

⁹ Bang hang hiam cih leh Topa in note’ mai-ah a lian a thahat minamte hawlkhia a, note ahihleh tuni dongin mi khat beek in hong nangzo nai lo hi.

Tedim Bible Revision 2017

⁹ Bang hang hiam cih leh Topa in noteʼ mai ah a lian a thahat minamte hawl khia a, note na hih uh leh tu ni dongin mi khat beek in hong nang zo nai lo hi.

Joshua 23:9 Iomraidhean Croise

1 KUMPI MASATE 21:26

Topa in Israel mite’ mai-ah a hawlkhiat Amor mite mah bangin milimte zui-in a kihhuai mahmahin a gamta hi.

2 KHANG TANGTHU NIHNATE 20:7

Kote’ Pasian aw, hih gamah a teng mite na mi Israel-te’ mai-ah hawlkhia-in, na lawmpa Abraham’ suanlekhakte tungah a tawntung dingin pia hi lo na hi hiam?

Paikhiatna 23:23

“Note’ mai-ah ka vantungmi pai-in Amor mite, Hit mite, Perez mite, Kanaan mite, Hiv mite, le Jebus mite kiangah note hong paipihin, keimah in amaute ka phiat khiat ciangin,

Paikhiatna 23:30

Note khangin tampi pha-in leitang na luah matengun note’ mai panin tawm tawmin amaute ka hawlkhia ding hi.

Sawltak 7:45

Tua khit ciangin i pute in amau’ pate tung panin a ngah uh tua puanbuk pen amau’ ten nading gam a la dingin a kuan uh ciangin na pua uh a, Pasian in amaute’ mai-ah tua gam mite hawlkhiatsak ahih manin tua gam a luah uh ciangin a puanbuk zong a na tunpih uh hi. Tua ahih manin David’ hun ciang dong tua puanbuk na om hi.

Thu-hilhkikna 11:23

Topa in na mai uhah a om hih minamte khempeuh hawlkhia ding a, note sangin lianzaw-in a thahatzaw minamte na suankhia ding uh hi.

Thu-hilhkikna 7:24

Amah in note’ khut sungah amaute’ kumpite hong pia ding a, note in mun khempeuh panin amaute’ min na maimangsak ding uh hi. Amaute na susiamang khin ding uh a, note’ langkhatah mi khat beek hong pang zo lo ding hi.

Joshua 1:5

Na nuntak sung tawntung kuamah in na mai hong khak zo lo ding hi. Moses tawh ka om mah bangin nang tawh zong kong om ding hi. Nang kong tamasak kei ding a, kong nusia kei ding hi.

Joshua 15:14

Tua lai panin Kaleb in Anak’ tapa thumte Sheshai, Ahiman, le Talmai, Anak’ suanlekhakte a hawlkhia hi.

Joshua 23:5

Topa na Pasian un note’ mai-ah amaute lehnawt ding a, note’ muhna panin hawlkhia ding hi. Topa na Pasian un note’ tungah hong ciam bangin amau’ gam na luah ding uh hi.

Joshua 24:18

Topa in eite’ mai-ah tua gam a teng Amor mite khempeuh hawlkhia hi. Tua ahih ciangin amah pen eite’ Pasian ahih manin kote in zong Topa’ na ka sem ding uh hi,” a ci uh hi.