Joshua 23:13 - Tedim Bible

¹³ Topa na Pasian un note’ mai-ah hih minamte hawlkhia nawn lo ding hi, ci-in teltakin thei un. Topa na Pasian un note hong piak hih leitang hoih panin na sih khit matengun amaute pen note a dingin thangzak le tehlop, na nung uh a hong sat ciangduai, ahih kei leh na mit sung uh a hong sun ling tawh kibang ding uh hi.

Tedim Bible Revision 2017

¹³ Topa na Pasian un noteʼ mai ah hih minamte hawl khia nawn lo ding hi, ci-in teltakin thei un. Topa na Pasian un note hong piak hih leitang hoih panin na sih khit matengun amaute pen note adingin thangzak le tehlop, na nung uh a hong sat ciangduai, ahih kei leh na mit sung uh a hong sun ling tawh kibang ding uh hi.

Joshua 23:13 Iomraidhean Croise

1 KUMPI MASATE 11:4

Bang hang hiam cih leh Solomon a teek ciangin a zite in pasian dangte’ lamah ama lungsim heikhia uh a, ama pa David’ lungsim bangin ama lungsim Topa’ tungah thuman bup taktak zo lo hi.

2 KUMPI NIHNATE 17:18

Tua ahih ciangin Israel mite tungah Topa heh a, ama muhna panin amaute hemkhia hi. Kuamah dang om nawn loin Judah gammi bek omlai hi.

2 KUMPI NIHNATE 17:20

Tua ciangin Topa in Israel suanlekhakte khempeuh nialin amaute gimsak a, ama muhna panin amaute a paihkhiat dongin amaute a siasak migilote’ khut sungah amaute a pia hi.

2 KUMPI NIHNATE 25:21

Tua ciangin Babylon kumpipa in amaute vat a, Hamath gam sung Riblah-ah amaute a that hi. Tua ahih ciangin amau’ gam panin salin Judah mite kilakhia hi.

2 KUMPI NIHNATE 25:26

Tua ciangin a lian a neu-in mi khempeuh, le galkap a ukte kithawi-in Egypt-ah pai uh hi; bang hang hiam cih leh amaute in Khaldea mite kihta uh hi.

Late 69:22

Amau’ mai-a kilui ante thangzak suaksak inla, amau’ biakna pawi ante tehlop suaksak in.

Paikhiatna 10:7

Faro’ nasemte in ama kiangah, “Eite tungah hih mipa bang tanvei thangzak hong hi niloh ding ahi hiam? Amaute in amau’ Pasian, Topa a biak theih nadingun mite paisak in. Egypt a siatna theitel nai lo na hi hiam?” a ci uh hi.

Paikhiatna 23:33

Amaute in kei’ tungah note hong khialsak kha ding ahih ciangin note’ leitang tungah amaute teng lo ding uh hi. Bang hang hiam cih leh note in amau’ pasian-te na biak uhleh note’ tungah thangzak khat hong hi taktak ding hi,” a ci hi.

Paikhiatna 34:12

Na paina leitangah a teng mite tawh thuciamna bawlkha kei inla, tua pen note a dingin thangzak a suahkhak loh nadingin nangmahmah kidawm in.

Paikhiatna 34:16

note in amau’ tanute na tapate uh a dingin la-in, amau’ pasian-te tawh paktatna a bawl a tanute in amau’ pasian-te tawh na tapate uh paktatsak kha ding uh hi.

Ezekiel 28:24

Tua ciangin Topa in kei kiangah, “A kimkota om Israel mi a simmawh minam dangte in tu-in simmawh nawn lo ding uh a, Israel mite sunin a nasak thei ding ling le lingkung tawh kibang nawn lo ding uh hi. Tua ciangin Topa ka hihna hong thei ding uh hi,” a hong ci hi.

Gamlak-vakna 33:55

Ahih hangin note’ mai panin tua gam a teng mite na hawlkhiat kei uhleh, na omsak lai uh mite pen na mittang uh a hong do, na pang uh a hong sun lingte tawh hong kibang ding uh a, na tenna gam uhah note hong gimsak ding uh hi.

Luka 21:24

Mi pawlkhat, namsau tawh kithat ding a, pawlkhat, galmatin gam dangah kiciahpih ding hi. Tua ciangin Gentail mite’ uk hun a bei matengin Jerusalem khuapi a siacipin om ding hi.

Thu-hilhkikna 29:28

Topa in hehna, sinsona, lungham mahmahna tawh a leitang panun amaute zunglot a, tuni-a i muh bangin amaute gam dangah hawlkhia hi,’ ci ding uh hi.

Thu-hilhkikna 30:18

tuni-in note tungah hih thu kong genkhol hi: Note na si ding uh a, Jordan kantanin note a lut ding le a nei dingin na paina uh leitang tungah sauvei na nungta kei ding uh hi.

Thu-hilhkikna 4:26

Jordan galkhat luah dingin na paina leitang uhah na siat maimang baih nadingun note’ langkhatah teci pang dingin tuni-in van le lei ka sam hi. Tua leitang tungah note sauvei na hing kei ding uh a, na siamaimang ding uh hi.

Thu-hilhkikna 7:16

Topa na Pasian un note tungah hong piak mi khempeuh na beisak ding uh a, amaute na khasiat kei ding uh hi. Note a dingin thangzak hi ding ahih manin amau’ pasian-te zong na bia kei ding uh hi.

2 TIMOTI NIHNA 2:26

Dawimangpa in ama deihna bangin a gamta dingin a mat khit hangin ama thang panin amaute suakta khathei ding uh hi.

Thukhente 2:21

Joshua a sih lai-in a nusiat minamte khat zong tu a kipanin amaute’ mai-ah ka hawlkhia kei ding hi.