Joshua 22:4 - Tedim Bible

⁴ Tu-in Topa na Pasian un amaute tungah a ciamsa bangin na sanggamte uh tawlngakna pia hi. Tua ahih ciangin Topa’ nasem Moses in note hong piak Jordan galkhat, note’ neihsa a omna leitang na inn uhah note ciah un.

Tedim Bible Revision 2017

⁴ Tu-in Topa na Pasian un amaute tungah a ciam sa bangin na sanggamte uh tawlngakna pia hi. Tua ahih ciangin Topaʼ nasem Moses in note hong piak Jordan gal khat, noteʼ neihsa a omna leitang na inn uh ah note ciah un.

Joshua 22:4 Iomraidhean Croise

1 KHANG TANGTHU MASATE 22:18

“Topa na Pasian uh note tawh hong om hi lo ahi hiam? Amah in na kiim khempeuh uhah lungnopna hong pia hi lo ahi hiam? Bang hang hiam cih leh amah in gam sunga teng mite keima khut sungah hong pia khin a, Topa le ama mite’ mai-ah gam sung khempeuh kinuaisiah hi.

Paikhiatna 33:14

Topa in Moses kiangah, “Nang tawh kong pai ding a, lungsim tawlngakna hun nang kong pia ding hi,” a ci hi.

Gamlak-vakna 32:18

Israel mite in amau’ luah ding ciat a luah khit matengun ka inn uhah ka ciah kei ding uh hi.

Thu-hilhkikna 12:9

Bang hang hiam cih leh Topa na Pasian un note hong piak tawlngakna le luahna-ah na tung nai kei uh hi.

Thu-hilhkikna 29:8

Amaute’ leitang i la a, Reuben mite, Gad mite, le Manasseh minam alangte tungah luah dingin i pia hi.

Thu-hilhkikna 3:20

Topa in note hong piak bangin na sanggamte uh tungah lungsim tawlngakna pia-in, Topa na Pasian un Jordan galkhatah amaute a piak leitang amaute in zong a luah matengun na huh ding uh hi. Tua ciangin note kong piaksa ahi na neihsa ciat uhah note khempeuh na ciah ding uh hi,’ kong ci hi.

Hebru 4:8

Joshua in Pasian’ tawlngakna munah mite tunpih khin hileh Pasian in a nidang khat thu nunggen nawn lo ding hi.

Joshua 1:15

note hong piak bangin Topa in na sanggamte uh tungah tawlngakna pia-in, Topa na Pasian un amaute a piak leitang amaute in zong a luah mateng uh na huh ding uh hi. Tua ciangin note’ neih leitangah ciahkikin, Topa’ nasem Moses in Jordan gal ni a suahna lamah note hong piak leitang na luah ding uh hi,” a ci hi.

Joshua 12:6

Topa’ nasem Moses le Israel mite in amau tegel a zo uh hi. Tua ciangin Topa’ nasem Moses in Reuben mite le Gad mite le Manasseh minam alangte tungah a neih dingun amau’ leitang a pia hi.

Joshua 13:15

Tua ciangin Moses in Reuben minamte tungah amau’ beh tawh kizui-in gamh pia hi.

Joshua 13:8

Reuben mite le Gad mite in Manasseh minam alang dang khatte tawh Topa’ nasem Moses in amaute a piaksa ahih manin nisuahna lam Jordan galkhatah gamh ngah khin uh hi.

Joshua 22:3

Tuni dong hih hun saupi sung na sanggamte uh na nusia kei uh a, Topa na Pasian uh hong sawlna limtakin zuih ding na ngaihsun uh hi.