Joshua 22:33 - Tedim Bible

³³ Tua thu in Israel mite lungkimsak hi. Israel mite in Pasian phat uh a, Reuben mite le Gad mite a tenna leitang susia-in amaute galin do ding gen nawn lo uh hi.

Tedim Bible Revision 2017

³³ Tua thu in Israel mite lungkimsak hi. Israel mite in Pasian phat uh a, Reuben mite le Gad mite a teenna leitang susia-in amaute galin do ding gen nawn lo uh hi.

Joshua 22:33 Iomraidhean Croise

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phatin a lu uh kun uh a, Topa bia-in kumpipa tungah zahtakna a bawl uh hi.

Paunak 25:25

A dangtak mipa in tuivot lim a sak bangin gamlapi-a om lawmte’ kiang panin thuzak nuam kisa hi.

Daniel 2:19

Tua ciangin tua zan sungin maangmuhna tawh tua thuthukpi Daniel’ tungah kihilh a, amah in vantung Pasian’ min a phat hi.

Luka 2:28

Simeon in naungek la-in a ang-ah tawi-in Pasian’ tungah lungdamna ko a,

Sawltak 15:12

Tua ciangin Barnabas le Paul in Gentail mite lakah amau tungtawnin Pasian in lim le nalamdang a bawlnate khempeuh a gen laitakun mi khempeuh pau loin a om uh hi.

Sawltak 15:31

Mite in tua laikhak a sim uh ciangin a thu kigelhte hangin amaute thanuamin lungdam mahmah uh hi.

2 KORIN NIHNA 7:7

Ama hong tunna hang bek zong hi loin ama lungsim a thahat nadingin note’ gamtatna zong a hong zasak hi. Note in kei na hong muhnopna thu uh, note na dahna thu uhleh kei na hong hutnopna thu uh hong gen ahih manin ka lung a dam semsem hi.

Efesa 1:3

Khrih tawh eite i kipawlna hangin vantung gam panin kha tawh kisai letsong namkim hong pia ahih manin eite’ Topa Jesuh Khrih’ Pa ahi Pasian tungah i lungdamna ko ciat ni.

Joshua 22:30

Siampi Finehas le amah tawh a om mihon ukpi, Israel beh lutangte in Reuben mite, Gad mite, le Manasseh mite’ thugenna a zak uh ciangin tua thugennate in amaute lungkimsak mahmah hi.

Joshua 22:32

Tua ciangin siampi Eleazar’ tapa Finehas le ukpite, Gilead gam a om Reuben mite le Gad mite kiang panin Israel mite’ omna Kanaan gamah ciahkik uh a, amaute tungah thu puak kik uh hi.