Joshua 22:11 - Tedim Bible

¹¹ Tua ciangin Israel mite in, “En un, Israel mite’ lampang, Jordan kiim gam, Kanaan gam nawlah Reuben mite, Gad mite, le Manasseh minam alangte in biakna tau khat lam uh hi,” a kicihna za uh hi.

Tedim Bible Revision 2017

¹¹ Tua ciangin Israel mite in, “En un, Israel miteʼ lam pang, Jordan kiim gam, Kanaan gam nawl ah Reuben mite, Gad mite le Manasseh minam a langte in biakna tau khat lam uh hi,” a kicihna za uh hi.

Joshua 22:11 Iomraidhean Croise

Johan 1:28

Hih bang thu kidotna a pianna mun pen Johan in mite tui phumin a omna, Jordan Gun nisuahna lam gal-a om Bethany khua ahi hi.

Johan 20:1

Nipi ni zingsang khuavak ma-in Magdala khuami Mary zong hanah va pai-in a et ciangin hankhuk kihukna suangtum a kilikkhia khin a mu hi.

Johan 20:12

Jesuh’ luang a kisialna a lu lamah khat, a khe lamah khat, puanpak silhin a tu vantungmi nih a mu hi.

Thu-hilhkikna 12:11

Topa na Pasian un ama min om nading munin a teelna munah note kong sawl khempeuh na paipih ding uh hi. Na meihal biaknate uh le na biakpiaknate uh, note in na piak uh sawm-ah-khat le na piak thuahte uh le Topa’ tungah na ciam uh na thuciam piaknate uh na paipih ding uh hi.

Joshua 2:7

Tua ahih ciangin mite in Jordan lamah ngahmun dong delh uh a, a delhte a paikhiat phetin kulhkongpi kikhak hi.

Joshua 22:10

Kanaan gam sunga om Jordan gam kiimteng a tun uh ciangin Reuben mite, Gad mite, le Manasseh minam alangte in tua lai Jordan gun kiangah a lian mahmah biakna tau khat a lam uh hi.

Joshua 22:16

“Topa’ mihon buppi in, ‘Topa lehdona-ah tuni-in note a dingin biakna tau khat lamna tawh Topa zuihna panin tuni-in kihei-in Israel Pasian’ tungah na gamtatnasa uh ahi hih khemna pen bang ahi hiam?

Joshua 22:19

Ahih hangin tu-in note’ lak na leitang uh nin ahihleh Topa’ biakbuk a dinna mun Topa’ leitangah hong pai unla, kote’ lakah luah hong nei un. Topa lehdo kei unla, Topa i Pasian’ biakna tau simloh note a’ ding biakna tau na lamna uh tawh kote a lehdo hong suaksak kei un.

Thukhente 12:5

Gilead mite in Efraim mite tung panin Jordan ngahmunte la uh hi. Efraim galtaite khat peuhpeuh in, “Hong galkah sak in,” a cih ciangin Gilead mite in ama kiangah, “Efraim mi na hi hiam?” ci uh hi. Amah in, “Hi kei ing,” a cih ciangin