Joshua 21:8 - Tedim Bible

⁸ Topa in Moses tungtawnin a thupiak bangin hih khuapite le a lonona gamte Israel mite in aisanna tawh Levi mite tungah a pia uh hi.

Tedim Bible Revision 2017

⁸ Topa in Moses tungtawnin a thupiak bangin hih khuapite le a lo nona gamte Israel mite in aisanna tawh Levi mite tungah a pia uh hi.

Joshua 21:8 Iomraidhean Croise

Piancilna 49:5

“Simeon le Levi, unau hi a, a hiam uh ngongtat nadingin a zang uh hi.

Piancilna 49:7

Amau’ sinsona lauhuai a, amau’ hehna kihtakhuai hi. Samsiatna ngah ta uh hen! Jakob suante sungah amaute ka khenthang ding a, Israel sungah amaute ka thehthang ding hi.

Paunak 16:33

Mite in bangbangin ai a san zongin, a piang ding thu pen Topa’ deihna bangbek hizaw hi.

Paunak 18:18

Thugen a siam tuak mi nih zum sungah a kiseel ciangin kiciamna bek in thu khenzo hi.

Gamlak-vakna 32:2

Tua ahih ciangin Gad minamte le Reuben minamte pai-in Moses le siampi Eleazar le mihon makaite kiangah,

Gamlak-vakna 33:54

Note in na minam uh tawh kizui-in aisanna tawh leitang na luah ding uh hi. Minam tamte tungah a tam na pia ding uh a, minam tawmte tungah a tawm na pia ding uh hi. Mi khatpeuh a’ ding ai a phatna peuhpeuh ama a’ hi ding a, na pate uh nam tawh kizui-in na luah ding uh hi.

Gamlak-vakna 35:3

Khuapite pen amau’ tenna hi ding a, a lonona gamte pen amau’ bawngte le a inn ganhingte le a ganhing khempeuh uh a’ ding ahi hi.

Joshua 18:6

Note in leitang khen sagihin hong ciamteh unla, na ciaptehna uh hih mun kei kiangah nong paipih ding uh hi. Tua ciangin keimah in Topa i Pasian’ mai-ah note a’ ding ai ka san ding hi.

Joshua 21:3

Tua ahih ciangin Topa’ thupiakna tawh Israel mite in amau’ luah sung panin Levi mite tungah a nuai-a khuapite le lonona gamte a pia uh hi.

Joshua 21:7

Merari mite in a beh uh tawh kizui-in Reuben minam, Gad minam, le Zebulun minamte tung panin khuapi sawm le nih ngah uh hi.

Joshua 21:9

Judah minam le Simeon minam sung panin amaute in a nuai-a min kigen khuapite pia uh a,