Joshua 21:38 - Tedim Bible

³⁸ Tua ciangin Gad minam sung panin Gilead gam sunga om khuapite sung panin mi thatte a’ ding bukna khuapi Ramoth a lonona gamte tawh, Mahanaim a lonona gamte tawh,

Tedim Bible Revision 2017

³⁸ Tua ciangin Gad minam sung panin Gilead gam sunga om khuapite sung panin mi thatte ading bukna khuapi Ramoth a lo nona gamte tawh, Mahanaim a lo nona gamte tawh,

Joshua 21:38 Iomraidhean Croise

Piancilna 32:2

Jakob in amaute a muh ciangin amah in, “Hihte, Pasian’ galkapte!,” a ci hi. Tua ahih ciangin tua mun pen Mahanaim, ci-in min a phuak hi.

2 SAMUEL NIHNA 17:24

Tua ciangin Mahanaim ah David tung hi. Absalom in Israel mite khempeuh tawh Jordan kantan hi.

2 SAMUEL NIHNA 19:32

Barzillai pen kum sawmgiat a pha, a khangham mahmah mi khat ahi hi. Mahanaim ah kumpipa a om laitakin amah in an pia hi; bang hang hiam cih leh amah mihau mahmah khat ahi hi.

2 SAMUEL NIHNA 2:8

Tu-in Ner’ tapa Abner, Saul’ galkap mangpa in Saul’ tapa Ishbosheth la-in Mahanaim ah paipih hi.

1 KUMPI MASATE 22:3

Tua ciangin Israel kumpipa in a nasemte kiangah, “Ramothgilead eima a’ hi a, eite pau loin omin Syria kumpipa’ khutsung panin i lakkhiat lohna thu na thei uh hiam?” a ci hi.

1 KUMPI MASATE 4:13

Bengeber: Ramothgilead gam sungah (amah in Gilead sunga om Manasseh’ tapa Jair’ khuaneute le Bashan sungah a om Argob gam sung, kulhpite le sumngo zawlte a nei khuapi lian sawmguk nei hi);

1 KUMPI MASATE 4:14

Iddo’ tapa Ahinadab: Mahanaim khua sungah;

1 KHANG TANGTHU MASATE 6:80

Tua ciangin Gad-te’ sung panin: Gilead gam a om Ramoth a lonona gamte tawh, Mahanaim a lonona gamte tawh,

Thu-hilhkikna 4:43

Reuben mite a dingin mualzang sehnel gam Beza khua, Gad mite a dingin Gilead gam sung Ramoth khua, le Manasseh mite a dingin Bashan gam sung Golan khua ahi hi.

Joshua 13:26

le Heshbon panin Ramathmizpeh le Betonim ciang, le Mahanaim panin Debir gam ciang dong,

Joshua 13:30

Amau’ gam pen Mahanaim pan kipanin Bashan gam sung khempeuh, Bashan kumpipa Og’ kumpi gam sung khempeuh, le Bashan gam sunga om Jair khuapi sawmgukte,

Joshua 20:8

Jerikho nisuahna Jordan galkhatah Reuben minam sung panin mualzang sehnel gam a om Bezer khua, Gad minam sung panin Gilead gam sunga om Ramoth khua, le Manasseh minam sung panin Bashan gam sunga om Golan khuate a seh uh hi.

Joshua 21:37

Kedemoth a lonona gamte tawh, le Mefaath a lonona gamte tawh, khuapi li kipia hi.

Joshua 21:39

Heshbon a lonona gamte tawh, le Jazer a lonona gamte tawh, a vekpi-in khuapi li kipia hi.