Joshua 2:1 - Tedim Bible

¹ Tua ciangin Nun’ tapa Joshua in Shittim panin thukanin mi nih sawlsim a, “Pai-in gam va en unla, a diakdiakin Jerikho khua hong en un,” a ci hi. Amaute pai uh a, Rahab min nei a paktat numei khat’ inn-ah tungin giak uh hi.

Tedim Bible Revision 2017

¹ Tua ciangin Nunʼ tapa Joshua in Shittim panin thukanin mi nih sawlsim a, “Pai-in gam va en unla, a diakdiakin Jerikho khua hong en un,” a ci hi. Amaute pai uh a, Rahab min nei numei paktat nuʼ inn ah tungin giak uh hi.

Joshua 2:1 Iomraidhean Croise

Piancilna 42:16

Note’ sungah thuman om hiam, ci-in a kimuh nading, na thugente uh a kitel nadingin note thong sungah na om laitakun note khat kisawl unla, na sanggampa uh hong paipihsak un. Tua ahih kei leh Faro a nungta ahih mah bangin note, thukan na hi taktak uh hi,” a ci hi.

Piancilna 42:9

Josef in a mangin amaute a mat khitna a phawk hi. Amah in amaute kiangah, “Note, thukan na hi uh a, hih gam thaneemna a en dingin hong pai na hi uh hi,” a ci hi.

Micah 6:5

Ka mite aw, Moab Kumpi Balak in note sukna ding a vaihawmna teng, Beor’ tapa Balaam in ama nget bangin a sepna teng limtakin phawkkik un. Note hotkhiat nadingin ka sepna thu na theih nadingun Shittim le Gilgal kikal-a thupiangte ngaihsun kik un,” a ci hi.

Gamlak-vakna 13:1

Topa in Moses kiangah,

Gamlak-vakna 13:2

“Israel mite tungah ka piak Kanaan leitang a vaan dingin mi sawl inla, amaute lakah makai ahi, nam khat sung panin mi khat ciat sawl in,” a ci hi.

Gamlak-vakna 25:1

Shittim-ah Israel mite a om laitakin Moab gam numeite tawh paktat ding kipan uh hi.

Gamlak-vakna 33:49

Jordan kiang Bethjeshimoth panin Moab zanglei sunga om Abelshittim dongah amaute in giahphual a sat uh hi.

Mattiu 1:5

Salmon ta Boaz, Rahab tawh a neih a ta ahi hi. Boaz ta Obed, Ruth tawh a neih a ta ahi hi. Obed ta Jessi,

Mattiu 10:16

“Ngiahon lakah tuu a kikhah bangin note hong sawlkhia ka hih manin gul bangin pilvang unla, vakhu bangin migi un.

Efesa 5:5

Nulepa khialhna a gamta mi, a kilawm lo-a a gamta mi, le a huaiham (huaihamna zong milim biakna zahin sia hi) mite in Khrih Ukna le Pasian Ukna sungah bangmah ngah nei het lo ding ahihna uh teltakin thei ta un.

Hebru 11:31

Numei paktat Rahab in thukante limtakin na zindo a, Pasian’ thu a mang lo mite tawh a sihkhawm lohna zong a upna hang mah ahi hi.

Jeim 2:25

Numei paktat Rahab zong tua bangmah ahi hi. Israel mi thukante hoihtakin zin na do-in, lampi dangah ciahsakin na suaktasak a, ama nasepna hangin Pasian tawh kipawl theihna a ngah ahi hi.

Joshua 1:18

Na thupiakna le na thute, na thupiak peuhpeuh hong langpangin a mang lo mipa kithat ding hi. Thahat inla hang in,” a ci uh hi.

Joshua 2:2

Jerikho kumpipa tungah, “Gam sung a en dingin Israel mi pawlkhat tu nitakin hih lai-ah hong tungzo hi,” ci-in kigen hi.

Joshua 21:31

Helkath a lonona gamte tawh, le Rehob a lonona gamte tawh, khuapi li kipia hi.

Joshua 3:1

A zing ciangin Joshua tho baihin Israel mi khempeuh tawh Shittim pan dingkhia-in Jordan gun tung uh a, a galkah ma-un tua munah a giak uh hi.

Joshua 5:10

Israel mite Gilgal-a giahphual ah a om sungun tua kha a ni sawm le li ni nitakin Jerikho zanglei-ah Paisan Pawi a bawl uh hi.

Thukhente 1:23

Amaute in thu kansim dingin Bethel-ah mi sawl uh hi. (Tua khuapi min pen a nidangin Luz ahi hi.)

Thukhente 18:14

Tua ciangin Laish gam a ensim dingin a pai mi ngate in a sanggamte uh kiangah, “Hih innte khat sungah siampipuan khat, innsung pasian-te, a kiseek milim khat, le a kisung milim khat a omlam thei lo na hi uh hiam? Tua ahih ciangin tu-in na hih ding uh ngaihsun un,” a ci uh hi.

Thukhente 18:17

Tua ciangin, galhiam a tawi mi za gukte tawh kulhkongpi lutna-ah siampipa a din khawm laitakin gam ensim dingin a kuankhia mi ngate tumin a kiseek milim, a siampipuan, a innsung pasian-te, le a kisung milim la uh hi.

Thukhente 18:2

Tua ahih ciangin Dan mite in gam ensimin a va zong dingin amau’ minam bup khempeuh lak panin mi siam nga Zorah le Eshtaol panin a sawl uh hi. Amaute in tua mite kiangah, “Pai unla gam va zong un,” a ci uh hi. Amaute Efraim mualtung gam, Mikah’ inn-ah hong tung uh a, tua lai-ah a taam uh hi.