Joshua 18:6 - Tedim Bible

⁶ Note in leitang khen sagihin hong ciamteh unla, na ciaptehna uh hih mun kei kiangah nong paipih ding uh hi. Tua ciangin keimah in Topa i Pasian’ mai-ah note a’ ding ai ka san ding hi.

Tedim Bible Revision 2017

⁶ Note in leitang khen sagihin hong ciamteh unla, na ciaptehna uh hih mun kei kiangah nong paipih ding uh hi. Tua ciangin keimah in Topa i Pasianʼ mai ah note ading ai ka san ding hi.

Joshua 18:6 Iomraidhean Croise

Paunak 16:33

Mite in bangbangin ai a san zongin, a piang ding thu pen Topa’ deihna bangbek hizaw hi.

Paunak 18:18

Thugen a siam tuak mi nih zum sungah a kiseel ciangin kiciamna bek in thu khenzo hi.

Gamlak-vakna 33:54

Note in na minam uh tawh kizui-in aisanna tawh leitang na luah ding uh hi. Minam tamte tungah a tam na pia ding uh a, minam tawmte tungah a tawm na pia ding uh hi. Mi khatpeuh a’ ding ai a phatna peuhpeuh ama a’ hi ding a, na pate uh nam tawh kizui-in na luah ding uh hi.

Gamlak-vakna 34:13

Tua ahih ciangin Moses in Israel mite thu pia-in, “Hih pen minam kua le minam langte tungah piak dingin Topa in a thupiak, aisanna tawh na luah ding uh leitang ahi hi.

Sawltak 13:19

Pasian in Kanaan gam sungah mi nam sagih a suksiat khit ciangin kum zali le kum sawmnga sung bang ama mite a luahsak hi.

Joshua 14:2

Minam kua le alangte a dingin Topa in Moses a thupiak bangin amau’ gamhte aisanna tawh kipia hi.

Joshua 18:10

Joshua in amaute a dingin Topa’ mai Shiloh-ah ai sansak hi. Tua ciangin Joshua in amau’ tanh ding ciat Israel-te tungah leitang a pia hi.

Joshua 18:7

Levi mite in note lakah tanh nei lo hi. Bang hang hiam cih leh Topa’ siampi nasepna pen amau’ luah ahi hi. Gad, Reuben, le Manasseh minam alangte in Topa’ nasem Moses in amaute tungah a piak ahi Jordan Nisuahna lam galkhatah amau’ gamh ngah khinzo uh hi,” a ci hi.

Joshua 18:8

Tua ahih ciangin mite a kuan uh hi. Leitang a ciaptehna a gelhna dingun Joshua in a pai mite thu pia a, “Vaksuk vakto-in leitang ciaptehna hong gelh unla, kei kiangah hong paikik un. Tua ciangin Shiloh mun Topa’ mai-ah note a dingin ai ka san ding hi,” a ci hi.