Joshua 18:3 - Tedim Bible

³ Tua ahih ciangin Joshua in Israel mite kiangah, “Topa, na pu na pate uh Pasian in note hong piaksa leitangah pai-in na luah ding uh bang tanvei zekai lai ding na hi uh hiam?

Tedim Bible Revision 2017

³ Tua ahih ciangin Joshua in Israel mite kiangah, “Topa, na pu na pate uh Pasian in note hong piak sa leitang ah pai-in na luah ding uh bang tanvei zekai lai ding na hi uh hiam?

Joshua 18:3 Iomraidhean Croise

Paunak 10:4

Thadahna in zawnna hi a, thanuamna in hauhna hi.

Paunak 13:4

Thadah mi in a deih ngahzo lo a, nasep hahkat mi in a deih khempeuh ngahzo hi.

Paunak 15:19

Mi thadahte in mun khempeuhah haksatna tuak a, mi thumante in haksatna tuak kha lo hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

Zefaniah 3:16

Tua ni ciangin Jerusalem khuapi kiangah, “Zion khuapi aw, lau kei in. Na khut thazawsak kei in,” kici ding hi.

Mattiu 20:6

Nitak nai nga ciangin mihon omna sumbukah a pai leh mi pawlkhat a mawk om mu ahih manin, ‘Bang hangin bangmah sem loin sunthapai mawk om na hi uh hiam?’ ci-in a dot ciangin

Johan 6:27

A ningthei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong sehsa ahih manin keimah in note tungah nuntak tawntungna an ka hong pia ding hi,” ci-in a dawng hi.

Joshua 1:6

Thahat inla, hang in; bang hang hiam cih leh amaute piak dingin a pu a pate uh tungah ka ciam leitang hih mite na luahsak ding hi.

Joshua 13:1

Tu-in Joshua teekin a kum tampi pha hi. Topa in ama kiangah, “Nang teekin na kum tampi pha a, ahi zongin leitang lak ding tampi tak omlai hi.

Joshua 18:2

Israel mite lakah gamh a kipia nai lo minam sagih omlai hi.

Joshua 18:4

Minam khat panin mi thum ciat hong pia unla, amaute va kuan khia-in vaksuk vakto-in, amaute’ luah dinga ngaihsutna tawh a leitang omziate hong gelhin, tua ciangin kei kiangah hong ciah dingun amaute ka sawl ding hi.

Thukhente 18:9

Amaute in, “Ding un, amaute a sim dingin paito ni. Bang hang hiam cih leh a leitang ka mu khin uh a, a lei hoih mahmah hi. Bangmah hih loin ommawk ding na hi uh hiam? Pai ding zekai kei un; lutin leitang va luah ni.