Joshua 18:16 - Tedim Bible

¹⁶ Tua ciangin Refaim kuam leilu lam mong a om, Hinnom’ tapa’ kuam a kimuhna mual a gamgi-ah pai hi. Tua ciangin Jebus mite’ gam liangko leitaw lam, Hinnom Kuam-ah paisukin, Enrogel-ah paisuk suak hi.

Tedim Bible Revision 2017

¹⁶ Tua ciangin Refaim kuam leilu lam mong a om, Hinnomʼ tapaʼ kuam a kimuhna mual a gamgi ah pai hi. Tua ciangin Jebus miteʼ gam liangko leitaw lam, Hinnom Kuam ah pai sukin, Enrogel ah pai suk suak hi.

Joshua 18:16 Iomraidhean Croise

2 SAMUEL NIHNA 17:17

Tu-in Jonathan le Ahimaaz in Enrogel-ah ngak uh hi. Nasem numei khat pai-in amaute kiangah gen a, amaute pai-in Kumpi David kiangah gen zel uh hi; bang hang hiam cih leh amaute khuapi sungah a lutlam uh a kimu lo ding ahi hi.

2 SAMUEL NIHNA 5:18

Tu-in Filistia-te hong pai-in Refaim kuamsung dim uh hi.

1 KUMPI MASATE 1:9

Adonijah in Enrogel gei-a om Gulpi’ Suangpi kiangah tuute, bawngtalte, le ganno thaute biakna-in pia-in, amah in kumpipa’ tapate ahi a sanggamte khempeuh le Judah gam kumpi uliante khempeuh sam a,

2 KUMPI NIHNATE 23:10

Tua ciangin kuamah in Molek pasian tungah a tanu ahi a, a tapa ahi zongin biakna-in a hal theih nawn loh nadingin Hinnom Kuam sunga om Tofeth kici milim biakna mun a susia hi.

1 KHANG TANGTHU MASATE 14:9

Tu-in Filistia mite hong pai-in Refaim kuamsung a luh uh hi.

2 KHANG TANGTHU NIHNATE 28:3

Tua ciangin Hinnom’ tapa’ kuamah paknamtui hal a, Topa in Israel-te’ mai-ah a hawlkhiat minamte in a zat uh a kihhuai gamtatnate mah bangin biakna-in a tapate a hal hi.

2 KHANG TANGTHU NIHNATE 33:6

Tua ciangin amah in Hinnom’ tapa’ kuamah biakna-in a tapate hal a, aisanna le mailam thugenkholhna le khongkhaina zang a, vankah theite le aisante tawh na semkhawm hi. Amah in Topa’ muhna-ah siatna tampi bawl a, amah hehsak hi.

Isaiah 30:33

Assiria kumpipa a kihalna ding mei phualpi mun, sawtpekin kibawl khinzo hi. Kumpipa a dingin a baihsa-in kikoih a, a mi halna pen lianin kisangsak a, sing a sangpi-in vum venvan hi. Topa in kaat kuang hu sangkhia ding a, tua mei phualpi tawhkuang ding hi.

Jeremiah 19:11

amaute kiangah, Vanglian Topa in a cihin-ah, hih beelseek pa’ beel kisukham a, a kibawlphat kik theih nawn loh bangmahin hih mite le hih khuapi ka sukham ding hi. Mun dangah si vuina ding mun om nawn lo ding ahih manin Tofeth nangawnah a kivui ding uh hi.

Jeremiah 19:2

nisuahna lam kongpi gei, Hinnom kuam-ah pai-in, kong gen thute tua lai-ah va taangko in.

Jeremiah 19:6

Tua ahih manin, en un, Topa in kong cihin-ah, hih mun pen Tofeth ahi zongin Hinnom Kuam ahi zongin a kicih nawn loh hun hong tung ding hi. Kithahna Kuam a kicizaw ding hi.

Jeremiah 32:35

Hinnom Kuam-ah a tapate le a tanute uh tawh Molek pasian a biak nadingun Baal a’ ding biakna tau sangte a bawl uh hi. Hih a kihhuai na semin, Judah mite mawhna a bawlsak nadingun amaute ka sawl kei a, zong ka ngaihsunkha ngei beek kei hi.

Joshua 15:63

Ahih hangin Judah mite in Jerusalem-a a teng Jebus mite hawlkhia zo lo uh hi. Tua ahih ciangin tuni dongin Jebus mite pen Judah mite tawh Jerusalem-ah a tengkhawm uh hi.

Joshua 18:28

Zela, Haelef, Jebus (Jerusalem a cihna), Gibeah, le Kiriathjearim - khuapi sawm le li, a khuaneute tawh zong ahi hi. Hihte pen a beh tawh kizui-in Benjamin minamte’ luah ahi hi.

Thukhente 1:21

Ahih hangin Benjamin mite in Jerusalem-ah a teng Jebus mite hawlkhia lo uh ahih manin tuni dongin Jebus mite pen Jerusalem-ah Benjamin mite tawh a tengkhawm uh hi.

Thukhente 1:8

Tua ciangin Judah mite in Jerusalem simin la uh a, a mite thatin a khuapi hal uh hi.

Thukhente 19:10

Ahih hangin mipa tua zan taam nawn lo hi. Amah dingin paikhia a, Jebus (Jerusalem a cihna) galkhat tung hi. Amah pen tuanna a kivawh la nih le a zineu tawh ahi hi.