Joshua 18:15 - Tedim Bible

¹⁵ Tua ciangin Kiriathjearim mong panin leitaw lampang kipan a, Efron lam, Neftoah Luite-ah gamgi pai hi.

Tedim Bible Revision 2017

¹⁵ Tua ciangin Kiriath-jearim mong panin leitaw lam pang kipan a, Efron lam, Neftoah Luite ah gamgi pai hi.

Joshua 18:15 Iomraidhean Croise

Joshua 15:5

Tua ciangin nisuahna lam gamgi pen Jordan tunna ciang dong Ci Tuipi ahi hi. Leilu lampang gamgi pen Jordan tunna tuipi dawk panin kipan hi.

Joshua 15:9

Tua ciangin mual dawn panin Neftoah lui-ah gamgi kikhung a, tua panin Efron Mual khuapite-ah pai a, tua ciangin Baalah (Kiriathjearim a cihna) lamah gamgi kawi kual hi.

Joshua 18:14

Tua ciangin mun dang manawhin gamgi pai a, Bethhoron galkhat, leitaw lama om mual panin nitumna lampang leitaw lamah kihei a, Judah minamte a’ ahi Kiriathbaal (Kiriathjearim a cihna)-ah a tawp hi. Hih in a nitumna lampang piangsak hi.

Joshua 9:17

Israel mite ding khia uh a, a ni thum ni-in amaute’ khuapite a ban uh hi. Amau’ khuapite pen Gibeon, Khefirah, Beeroth, le Kiriathjearim na hi hi.