Joshua 18:12 - Tedim Bible

¹² Leilu lamah amau’ gamgi pen Jordan panin kipan a, Jerikho leilu lam liangko-ah paito-in, tua panin mualtung gam nawkin nitumna lamah pai a, Bethaven sehnel gamah a tawp hi.

Tedim Bible Revision 2017

¹² Leilu lamah amauʼ gamgi pen Jordan panin kipan a, Jerikho leilu lam liangko ah pai to-in, tua panin mual tung gam nawkin nitumna lamah pai a, Bethaven sehnel gamah a tawp hi.

Joshua 18:12 Iomraidhean Croise

Hosea 10:5

Bethaven khua-a bawngno milim a taanna uh hangin Samaria khuapi sunga a teng mite lau-in ling ding uh a, amaute le tua milim na a sem siampite a thum ding uh hi. A etlawmna teng a maiman’ ciangin a tau ding uh hi.

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal-ah ahi a, Bethaven-ah ahi zongin pai kei unla, tua lai munah Topa’ min tawh na kiciam kei un.

Hosea 5:8

Galdona ding zaksakna-in Gibeah khua-ah tuutal ki tum unla, Ramah khua-ah peengkul tum un. Bethaven khua-ah pataukohna gingsak un. Benjamin mite aw, kithawi un!

Joshua 16:1

Josef’ suanlekhakte’ tanh gamgi pen Jerikho luite’ nisuahna lam, Jerikho kiang Jordan panin sehnel gamah pai a, Jerikho panin mualtung gamte tawnin Bethel-ah paito hi.

Joshua 18:11

A behbeh tawh kizui-in Benjamin minamte a’ ding aisan hun hong tung a, amau’ tungah a kipia gam pen Judah minam le Josef minamte kikalah hong kia hi.

Joshua 2:1

Tua ciangin Nun’ tapa Joshua in Shittim panin thukanin mi nih sawlsim a, “Pai-in gam va en unla, a diakdiakin Jerikho khua hong en un,” a ci hi. Amaute pai uh a, Rahab min nei a paktat numei khat’ inn-ah tungin giak uh hi.

Joshua 3:16

a saklam panin hong luangsuk tuite khawlin khangto a, a gamlapi, Zarethan gei-a khuapi Adamah-ah a lomin kikhol a, Ci Tuipi a kici Arabah tuipi-ah a luangsukte kikhentat siang hi. Tua ciangin Jerikho gei-ah mite galkah uh hi.

Joshua 6:1

Tu-in Israel mite’ hangin Jerikho kulhkongpi kikhakcip a, kuamah pusuak thei lo, sungtum thei lo hi.

Joshua 7:2

Joshua in Jerikho panin Bethel nisuahna lam Bethaven gei-a om Ai khua-ah mi sawlin amaute kiangah, “Paito unla a gam va en un,” a ci hi. Tua mite paito-in Ai khua va ensim uh hi.

Joshua 8:15

Tua ciangin amau’ mai-ah Joshua le Israel-te khempeuh kilelsak khem uh a, gamlak lamah a tai uh hi.

1 SAMUEL MASA 13:5

Tua ciangin Israel-te tawh a kido dingin Filistia-te kikhawmin, leeng tul sawmthum, sakol galkap tulguk, le a galkapte tuipi gei-a sehnel zahin tampi pha uh hi. Amaute hong paito-in Bethaven nisuahna lam Mikmash-ah phual sat uh hi.