Joshua 18:10 - Tedim Bible

¹⁰ Joshua in amaute a dingin Topa’ mai Shiloh-ah ai sansak hi. Tua ciangin Joshua in amau’ tanh ding ciat Israel-te tungah leitang a pia hi.

Tedim Bible Revision 2017

¹⁰ Joshua in amaute adingin Topaʼ mai Shiloh ah ai sansak hi. Tua ciangin Joshua in amauʼ tanh ding ciat Israel-te tungah leitang a pia hi.

Joshua 18:10 Iomraidhean Croise

1 KHANG TANGTHU MASATE 24:5

Eleazar’ suante le Ithamar’ suante lakah biakinn uliante le Pasian’ uliante om tuak uh ahih manin amaute in a kibangin aisanna tawh amaute koih uh hi.

Nehemiah 11:1

Tua ciangin Jerusalem-ah mi makaite teng uh hi. Tua lo midang teng, amau’ lak pan mi sawm-ah-khat, khuapi siangtho Jerusalem-ah a teng ding aisanna tawh kiteel uh a, a omlai mi sawmah kuate ahihleh khuapi dangte-ah om uh hi.

Late 47:4

Ama it Israel-te’ angtanpih eima luah ding leitang amah in hong teelsak hi.

Late 61:5

Bang hang hiam cih leh Pasian aw, ka thuciamnate khempeuh nangmah in na za khin a, nangmah a hong zahtak mite’ ngah dingte keimah nong pia khinta hi.

Paunak 18:18

Thugen a siam tuak mi nih zum sungah a kiseel ciangin kiciamna bek in thu khenzo hi.

Jeremiah 7:12

Ka min ka tensak masakna Shiloh khua-a biakinn-ah va pai unla ka mi Israel-te’ gitlohna hangin ka nasepna va en dih un.

Ezekiel 47:22

Note a dingin na neih kip tawntung ding uh gamh hi ding hi. Hih leitang na hawm uh ciangin note lakah hong tengin ta a nei khinsa minam dangte zong note mah bangin tanh na pia ding uh hi. Amaute pen Israel minam taktakte mah bangin na ngaihsun ding uh a, Israel minam dangte mah bangin leitang hawmna-ah ai sawk thei ding uh hi.

Ezekiel 48:29

Tu-a ka gen bangin Israel minamte in a khang a khangin a luah suksuk ding uh leitang dingin amaute tungah a kipia ding leitang ahi hi. Topa Pasian in hih thu kong gen khin hi.

Micah 2:5

Tua ahih ciangin Topa’ mite lakah leitang a kihawm ciangin, kuamah in leitang na ngah kei ding uh hi.

Gamlak-vakna 34:16

Topa in Moses kiangah,

Mattiu 27:35

Singlamteh tungah Jesuh a khai khit uh ciangin a puante kua in a koi ngah ding cih a theih nadingun suang lawnin ai san uh a, a puan teng a hawm uh hi.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piaktheih nadingin mi khempeuh tungah ukna aana a neih nadingin Tapa tungah na hong piaksa ahi hi.

Sawltak 13:19

Pasian in Kanaan gam sungah mi nam sagih a suksiat khit ciangin kum zali le kum sawmnga sung bang ama mite a luahsak hi.

Sawltak 26:18

Pasian’ teel mite’ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theihna dingin Satan’ khutsung panin Pasian’ khut sungah a heikhia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Joshua 14:2

Minam kua le alangte a dingin Topa in Moses a thupiak bangin amau’ gamhte aisanna tawh kipia hi.

Joshua 14:5

Topa in Moses a thupiak bangin Israel mite gamta uh a, amaute in leitang a hawm uh hi.

Joshua 18:11

A behbeh tawh kizui-in Benjamin minamte a’ ding aisan hun hong tung a, amau’ tungah a kipia gam pen Judah minam le Josef minamte kikalah hong kia hi.

Joshua 18:6

Note in leitang khen sagihin hong ciamteh unla, na ciaptehna uh hih mun kei kiangah nong paipih ding uh hi. Tua ciangin keimah in Topa i Pasian’ mai-ah note a’ ding ai ka san ding hi.

Joshua 18:8

Tua ahih ciangin mite a kuan uh hi. Leitang a ciaptehna a gelhna dingun Joshua in a pai mite thu pia a, “Vaksuk vakto-in leitang ciaptehna hong gelh unla, kei kiangah hong paikik un. Tua ciangin Shiloh mun Topa’ mai-ah note a dingin ai ka san ding hi,” a ci hi.

Joshua 18:9

Tua ciangin mite kuanin gam sungah paisuk paito-in khen sagih suahin tua gam a khuakhua-in a ciaptehna uh laibu khat sungah khum uh a, Shiloh giahphual a Joshua kiangah amaute hong pai uh hi.

Joshua 19:51

Hihte pen siampi Eleazar le Nun tapa Joshua le Israel minam beh lutangte in kikhopna bukkong, Topa’ mai Shiloh-ah aisanna tawh a hawmkhiat uh gamh ahi hi. Tua bangin amaute in leitang hawmna a zo uh hi.

Joshua 23:4

En un, Jordan panin nitumna lama Tuipi Lian dong, a omlai minamte pen ka zawhsa minamte tawh na minamte uh gamh dingin note tungah kong pia khin hi.