Joshua 17:13 - Tedim Bible

¹³ Ahih hangin Israel mite tampi pha-in a hat uh ciangin amaute in Kanaan mite nasemin koih uh a, hawlkhiamang khin lo uh hi.

Tedim Bible Revision 2017

¹³ Ahih hangin Israel mite tampi pha-in a hat uh ciangin amaute in Kanaan mite nasemin koih uh a, hawl khia mangkhin lo uh hi.

Joshua 17:13 Iomraidhean Croise

Piancilna 49:15

A tawlngakna mun hoihsa a, a leitang noptuak sa hi. Tua ahih ciangin van pua dingin a liangko niamsak a, sila bangin na kisemsak hi.

2 SAMUEL NIHNA 3:1

Saul’ innkuan le David’ innkuante’ kikalah sauveipi galkidona om hi. David thahat semsem a, Saul thaneem semsem hi.

1 KUMPI MASATE 9:21

Israel mite in a suksiat khit siang zawh loh, tua gamah amau’ nunga a omlai a suanlekhakte uh, Solomon in aana tawh na a sem salin bawl ahih ciangin tuni dongin tua bangmahin amaute om uh hi.

Efesa 6:10

Tu a kipanin Topa tawh na kipawlna uh le ama vangliatna hangin na tha uh khauhsak ta un.

Filippi 4:13

Khrih in a hong piak vangliatna tawh hihte khempeuh nawkzawh nading thahatna a nei ka hi hi.

Joshua 16:10

Ahi zongin amaute in Gezer sunga teng Kanaan mite hawlkhia lo uh hi. Tua ahih ciangin tuni dongin Kanaan mite pen Efraim mite lakah teng a, ahih hangin aana nasep a sem dingin sal a suak uh hi.

2 PETER NIHNA 3:18

Hehpihna thu le i Topa le Honpa Jesuh Khrih theihna thu-ah na khangto semsem zaw un. Tuhun a kipanin a tawntungin amah in minthanna ngah paisuak tahen. Amen.

Thukhente 1:28

Ahi zongin Israel-te a thahat uh ciangin amaute in aana tawh na a sem dingin Kanaan mite koih uh a, hawlkhia siang lo uh hi.

Thukhente 1:30

Zebulun minamte in Kitron-a teng mite ahi a, Nahalol a teng mite ahi zongin hawlkhia lo a, Kanaan mite amaute lakah tengin aana tawh nasemte a suak uh hi.

Thukhente 1:33

Naftali minamte in Bethshemesh-a tengte ahi a, Bethanath-a tengte ahi zongin hawlkhia loin, tua gam a teng Kanaan mite lakah a teng uh hi. Ahi zongin Bethshemesh le Bethanath-a teng mite pen amaute a dingin aana tawh na a sem mite a suak uh hi.

Thukhente 1:35

Amor mite pen Harheres, Aijalon le Shaalbim-ah teng uh a, ahih hangin Josef minamte in amaute gawt semsem a, amaute pen aana tawh nasemte a suak uh hi.