Joshua 16:2 - Tedim Bible

² Tua ciangin Bethel panin Luz-ah pai-in, Arkhi mite gam Ataroth nawk hi.

Tedim Bible Revision 2017

² Tua ciangin Bethel panin Luz ah pai-in, Arkhi mite gam Ataroth nawk hi.

Joshua 16:2 Iomraidhean Croise

Piancilna 28:19

Amah in tua mun Bethel ci hi. Ahih hangin a masa-in tua khua min pen Luz ahi hi.

2 SAMUEL NIHNA 15:32

Pasian a kibiakna mun mual dawnah David a tun ciangin, Arkhi mi Hushai amah a dawn dingin a puantungsilh balkeksa le a lu tungah lei baang tawh hong pai hi.

2 SAMUEL NIHNA 15:37

Tua ahih ciangin Jerusalem-ah Absalom a lut laitakin David’ lawmpa Hushai zong khuapi sungah a pai hi.

2 SAMUEL NIHNA 16:16

Tua ciangin David lam a lak pa, Arkhi mi Hushai, Absalom kiangah hong tun ciangin Hushai in Absalom’ kiangah, “Kumpipa khan sawt ta hen! Kumpipa khan sawt ta hen!” a ci hi.

1 KHANG TANGTHU MASATE 27:33

Ahithofel pen kumpipa’ thu lamlak pa hi a, Arkhi mi Hushai pen kumpipa’ lawmpa ahi hi.

1 KHANG TANGTHU MASATE 7:28

Amau’ neihsa gam le a tenna uh Bethel le a khuapite, le nisuahna lamah Naaran, le nitumna lamah Gezer le a khuapite, Shekhem le a khuapite, le Azzah le a khuapite ahi hi.

Joshua 18:13

Tua lai panin gamgi in Luz lam manawhin leitaw lam nawtin Luz (Bethel a kici) liangko-ah pai a, Bethhoron Nuainung leitaw lama om mualtung a Atarothaddar khua-ah paisuk hi.