Joshua 13:7 - Tedim Bible

⁷ Tua ahih ciangin tu-in minam kua le Manasseh minam alangte tungah luah dingin hih leitang hawm in,” a ci hi.

Tedim Bible Revision 2017

⁷ Tua ahih ciangin tu-in minam kua le Manasseh minam a langte tungah luah dingin hih leitang hawm in,” a ci hi.

Joshua 13:7 Iomraidhean Croise

Late 105:44

Amaute in ama ngeina kipte zui-in, ama thukhamte a neih theih nadingun, amah in amaute tungah minam dangte’ leitang pia a, midangte’ nasepna gahte zong amaute a ngahsak hi. Topa phat un.

Late 78:55

Amau’ mai panin midangte hawlkhia-in, amaute’ luah ding neihsa hawmsak a, Israel minamte amau’ buk sungah a tengsak hi.

Ezekiel 45:1

“Israel minamte tungah piak dingin leitang a kihawm ciangin, Topa’ tanh dingin seh khat kituamkoih ding hi. Tua a kituamkoih leitang pen a dung tai sawm hi ding a, a vai tai giat hi ding hi. Tua sung khempeuh a siangtho biakna leitang hi ding hi.

Gamlak-vakna 33:54

Note in na minam uh tawh kizui-in aisanna tawh leitang na luah ding uh hi. Minam tamte tungah a tam na pia ding uh a, minam tawmte tungah a tawm na pia ding uh hi. Mi khatpeuh a’ ding ai a phatna peuhpeuh ama a’ hi ding a, na pate uh nam tawh kizui-in na luah ding uh hi.

Gamlak-vakna 34:13

Tua ahih ciangin Moses in Israel mite thu pia-in, “Hih pen minam kua le minam langte tungah piak dingin Topa in a thupiak, aisanna tawh na luah ding uh leitang ahi hi.

Joshua 13:6

Lebanon le Misrefothmaim kikalah a teng Sidon mite khempeuh ahi hi. Kei mahmah in Israel mite’ mai panin amaute ka hawlkhia ding a, nang kong thupiaksa bangin Israel mite tungah a luah dingun leitang hawm in.

Joshua 13:8

Reuben mite le Gad mite in Manasseh minam alang dang khatte tawh Topa’ nasem Moses in amaute a piaksa ahih manin nisuahna lam Jordan galkhatah gamh ngah khin uh hi.

Joshua 14:2

Minam kua le alangte a dingin Topa in Moses a thupiak bangin amau’ gamhte aisanna tawh kipia hi.