Joshua 13:14 - Tedim Bible

¹⁴ Levi minamte tung bekah Moses in gamh pia lo hi. Topa in Moses kiangah a gensa mah bangin Israel-te’ Topa Pasian’ tungah a kipia mei tawh kihal biaknate pen amau’ gamh ahi hi.

Tedim Bible Revision 2017

¹⁴ Levi minamte tung bekah Moses in gamh pia lo hi. Topa in Moses kiangah a gen sa mah bangin Israel-teʼ Topa Pasianʼ tungah a kipia mei tawh kihal biaknate pen amauʼ gamh ahi hi.

Joshua 13:14 Iomraidhean Croise

Ezekiel 44:28

“Israel mite tungah ka piak, khang khat pan khang khatah a kiluah suksuk ding sung panin siampite’ tanh pen siampi nasep za ahi hi. Amaute in Israel mite lakah neihsa gamh nei lo ding uh hi. Amaute’ kisapna khempeuhah kei a kicing khin ka hi hi.

Ezekiel 44:29

An tawh biakna, mawhna le khialhna hanga biakna, le Israel mite lak panin keima a dingin a kipiakhiate khempeuh amaute in ne ding uh hi.

Thu-hilhkikna 10:9

Tua ahih ciangin a sanggamte uh bangin Levi mite in tanh ahi a, luah ahi zongin nei lo uh a, Topa na Pasian un amau kiangah a gen bangin Topa pen amau’ luah ahi hi.)

Thu-hilhkikna 12:12

Topa na Pasian uh mai-ah note le na tapate uh le na tanute uh, na nasem numeite uh le na nasem pasalte uh, le note’ neih bangin tanh ahi a, luah ahi zongin a nei lo na khuasung uha om Levi mite tawh lungdam khawm un.

Thu-hilhkikna 12:19

Na gam sung uhah na ten laiteng uh Levi mite na mangngilh loh nadingun kingaihsun un.

Joshua 13:13

Ahi zongin Israel mite in Geshur mite ahi a, Maakath mite ahi zongin hawlkhia lo uh a, tuni dongin Geshur mite le Maakath mite Israel-te lakah a teng uh hi.

Joshua 13:15

Tua ciangin Moses in Reuben minamte tungah amau’ beh tawh kizui-in gamh pia hi.

Joshua 13:33

Ahih hangin Levi minamte tungah Moses in gamh pia lo hi. Israel-te’ Topa Pasian in amaute kiangah a gensa mah bangin amah pen amau’ gamh ahi hi.

Joshua 18:7

Levi mite in note lakah tanh nei lo hi. Bang hang hiam cih leh Topa’ siampi nasepna pen amau’ luah ahi hi. Gad, Reuben, le Manasseh minam alangte in Topa’ nasem Moses in amaute tungah a piak ahi Jordan Nisuahna lam galkhatah amau’ gamh ngah khinzo uh hi,” a ci hi.