Joshua 11:8 - Tedim Bible

⁸ Topa in Israel-te’ khut sungah amaute pia a, amaute in vatgawpin a Lian Sidon le Misrefothmaim ciang dong, le nisuahna lamah Mizpeh kuam ciang dong delh uh a, amaute kuamah a om nawn lo dongin a vatgawp uh hi.

Tedim Bible Revision 2017

⁸ Topa in Israel-teʼ khut sungah amaute pia a, amaute in vat gawpin a Lian Sidon le Misrefoth-maim ciang dong le nisuahna lamah Mizpeh kuam ciang dong delh uh a, amaute kuamah a om nawn lo dongin a vat gawp uh hi.

Joshua 11:8 Iomraidhean Croise

Piancilna 10:15

Kanaan pen ama sung pan a suak masa Sidon, Heth,

Piancilna 49:13

“Zebulun, tuipi gei-ah teng ding hi. Amah, teembaw khawlna mun suak ding a, Sidon ciang dongah a gamgi om ding hi.

2 SAMUEL NIHNA 24:6

Tua ciangin amaute Gilead tung uh a, tua panin Hit mite’ gam Kadesh tung uh hi. Tua lai panin Dan tungin, Dan panin kual pai-in Sidon tung uh hi.

Isaiah 23:4

Sidon aw, maizum in; bang hang hiam cih leh tuipi in thu gen khin hi. Tua tuipi muanhuai in, “Keimah in naupaii-in na ka sa ngei kei a, nau ka nei ngei kei hi. Ta numei ka khoi ngei kei a, ta pasal zong ka khansuah ngei kei hi,” ci hi.

Zekhariah 9:2

Hadrak tawh a kigizawng Hamath zong, Topa-a’ mah hi a, siamna a nei Taia khuapi le Sidon khuapite zong, ama a’ mah ahi hi.

Thu-hilhkikna 7:2

Topa na Pasian un note tungah amaute hong pia-in, note in amaute na zawh uh ciangin, note in amaute na susiamang ding uh hi. Amaute tawh thuciamna na bawl kei ding uh a, amaute tungah hehpihna na lak kei ding uh hi.

Thu-hilhkikna 9:3

Tua ahih ciangin, a kangtum thei mei bangin note’ mai-ah a pai pa pen Topa na Pasian uh ahihna thu tuni-in thei un. Amah in note’ mai-ah amaute susia-in, amaute zogawp ding hi. Tua ahih ciangin Topa in note tungah hong ciamsa bangin amaute hawlkhia-in manlangin na siamangsak ding uh hi.

Joshua 10:20

Joshua le Israel mite in amaute a beisiang dongin tampi tak a thah khit uh ciang, le a suakta lai mite amau’ khuapi muanhuai sungah a tum khit uh ciangin,

Joshua 11:3

nisuahna le nitumna lama om Kanaan mite, Amor mite, Hit mite, Perez mite, le mualtung gam a om Jebus mite, le Mizpah gam Hermon nuai-a Hiv mite tungah thu a puak hi.

Joshua 11:7

Tua ahih ciangin Joshua zong a galkapte khempeuh tawh thakhat thu-in Merom lui gei amaute kiangah pai-in va sim uh hi.

Joshua 13:6

Lebanon le Misrefothmaim kikalah a teng Sidon mite khempeuh ahi hi. Kei mahmah in Israel mite’ mai panin amaute ka hawlkhia ding a, nang kong thupiaksa bangin Israel mite tungah a luah dingun leitang hawm in.

Joshua 19:28

Ebron, Rehob, Hammon, Kanah, le a Lian Sidon ciang dong paito lai hi.

Joshua 21:44

Tua ciangin a pu a pate uh tungah a ciamsa bangin Topa in amaute tungah na khempeuhah tawlngakna a pia hi. Topa in a galte khempeuh uh amau khut sungah pia ahih manin a galte uh khat beek in zong amaute nang zo lo hi.