Joshua 11:2 - Tedim Bible

² saklam mualtung le Khinneroth leitaw lama om Arabah gam sung, le Jordan gunkuam le nitumna lamah Nafathdor gam sunga om kumpite,

Tedim Bible Revision 2017

² saklam mual tung le Khinneroth leitaw lam a om Arabah gam sung le Jordan gunkuam le nitumna lamah Nafathdor gam sunga om kumpite,

Joshua 11:2 Iomraidhean Croise

1 KUMPI MASATE 15:20

Tua ciangin Benhadad in Kumpi Asa’ thu mang a, Israel khuapite a sim dingin a galkap a ukte sawlin, Ijon, Dan, Abelbethmaakah, le Khinneroth khempeuh, Naftali gam khempeuh tawh a zo hi.

1 KUMPI MASATE 4:11

Benabinadab: Nafathdor gam sung khempeuhah (amah in Solomon’ tanu Tafath zi-in nei hi);

Gamlak-vakna 34:11

Gamgi pen Shefam panin Ain nisuahna lam Riblah dongah paisuk ding hi. Gamgi paisuk lai-in nisuahna lamah Khinnereth tuipi liangko dong ban ding hi.

Luka 1:39

Tua khit a sawt loin Mary kithawi a, Judea mualtung gam a khua khatah a va paipah hi.

Luka 5:1

Khatvei, Gennesaret Tuili gei-ah Jesuh dingin a om laitakin, mite in Pasian’ thu zanuamin Jesuh hong nehcip uh hi.

Joshua 10:40

Tua ahih ciangin Joshua in gam khempeuh, mualtung gam le Negeb gam le lei niamna mun le mualpang suk, le a khuapite khempeuh a zo hi. Amah in kuamah siit lo a, Israel-te’ Topa Pasian’ thupiaksa bangin mi khempeuh a susiamang hi.

Joshua 10:6

Tua ciangin Gibeon mite in Gilgal-a giahphual a Joshua kiangah kamtai sawlin, “Na nasemte hong nusia kei in. Manlang takin ko kiangah hong paito-in, kote hong hon inla, hong huh in. Bang hang hiam cih leh mualtung gam a teng Amor kumpite khempeuh kote langpangin kikhawm uh hi,” a ci uh hi.

Joshua 11:16

Tua ahih ciangin Joshua in gam khempeuh, mualtung gam le Negeb gam le Goshen gam khempeuh le lei niamna gam le Arabah le Israel-te’ mualtung gam le a lei niamna gamte,

Joshua 11:21

Tua hun laitakin Joshua hong pai-in mualtung gam, Hebron, Debir, Anab, le Judah mualtung gam khempeuh, le Israel mualtung gam khempeuh panin Anak mite notkhiasiang a, Joshua in a khuapite uh tawh amaute susiamang khawm hi.

Joshua 12:23

Nafathdor sunga Dor kumpi, khat; Galilee sunga Goiim kumpi, khat;

Joshua 13:27

le Bethharam kuam sungah Bethnimrah, Sukkoth, le Zafon, Jordan galkhat nisuahna lam, Khinnereth Tuipi a niamna lam mong ciang, Jordan gamgi-in a nei, Heshbon kumpipa Sihon’ kumpi gam a omlai teng ahi hi.

Joshua 17:11

Issakhar le Asher gam sungah zong Manasseh in gam ngah a, tuate pen Bethshean le a khuaneute, Ibleam le a khuaneute, Dor-a tengte le a khuaneute, Endor a tengte le a khuaneute, Taanak a tengte le a khuaneute, le Megiddo a tengte le a khuaneute hi a, a thumna pen Nafath ahi hi.

Thukhente 1:27

Manasseh mite in Bethshean le a khuaneute-a teng mite, Taanak le a khuaneute-a teng mite, Dor le a khuaneute-a teng mite, Ibleam le a khuaneute-a teng mite ahi a, Megiddo le a khuaneute-a teng mite ahi zongin hawlkhia lo uh ahih manin Kanaan gammite tua leitangah tenglai uh hi.