Joshua 11:13 - Tedim Bible

¹³ Ahih hangin Hazor khua longal mualtung a om khuapite khat zong Israel mite in hal lo uh a, Joshua in tua khua bek a hal hi.

Tedim Bible Revision 2017

¹³ Ahih hangin Hazor khua longal mual tunga om khuapite khat zong Israel mite in hal lo uh a, Joshua in tua khua bek a hal hi.

Joshua 11:13 Iomraidhean Croise

Jeremiah 30:18

“Topa in kong cihin-ah: En un, keimah in Jakob suante’ bukte ka lamkik ding a, a tenna uh ka hehpih ding hi. Khuapi zong a omnasa mualtung mahah kilamkik ding a, kumpipa’ inn zong a omnasa mahah omkik ding hi.

Joshua 11:12

Topa’ nasem Moses in a thupiaksa bangin Joshua in tua kumpite’ khuapite, le a kumpi khempeuh la-in namsau tawh amaute vatin thatmang khin hi.

Joshua 11:14

Israel mite in tua khuapite sunga van kinusiate le ganhingte amau’ galzawh van dingin a la uh hi. Ahih hangin amaute a thah khit matengun namsau tawh vatgawp uh a, khat beek hingkhawi lo uh hi.

Joshua 24:13

Note in na sep loh uh leitang, na sat loh uh khuapite, note tungah kong pia a, tuate sungah na teng uh hi. Na suan loh uh leenggui lo pan a gah leh oliv huan pan a gah na ne uh hi,’ ci hi.