Joshua 10:19 - Tedim Bible

¹⁹ Ahih hangin note tua lai-ah om kei un. Na galte uh delhin a nungdalte bawh unla, a khuapi sung uhah amaute lutsak kei un. Bang hang hiam cih leh Topa na Pasian un note’ khut sungah amaute hong piazo hi,” a ci hi.

Tedim Bible Revision 2017

¹⁹ Ahih hangin note tua lai ah om kei un. Na galte uh delhin a nungdalte bawh unla, a khuapi sung uh ah amaute lutsak kei un. Bang hang hiam cih leh Topa na Pasian un noteʼ khut sungah amaute hong pia zo hi,” a ci hi.

Joshua 10:19 Iomraidhean Croise

2 SAMUEL NIHNA 17:13

Amah khuapi khat sungah a nungkik le, Israel-te khempeuh in tua khuapi sungah khauhual paipihin tua lai munah suangtang khat nangawn a kimu nawn lo dingin kuam sungah tua khua i kaikhia ding hi,” a ci hi.

2 SAMUEL NIHNA 20:6

Tua ciangin David in Abishai kiangah, “Tu-in Bikhri’ tapa Sheba in Absalom sangin eite tungah siatna tamzaw hong bawl ding hi. Na topa’ nasemte la inla, amah delh in. Tua hikeileh amah in ama a dingin khuapi muanhuaite ngahin eite tungah buaina hong piangsak ding hi,” a ci hi.

Jeremiah 48:10

“Topa’ na citakin a sem lopa in kamsiatna thuak tahen. Thah nadingin a namsau a dok lopa in hamsiatna thuak tahen.

Jeremiah 8:14

“Tua ciangin mite in, ‘Bang hangin tutu lai ihi hiam? Kikaikhawm unla khuapi muanhuaite va beel ni; tua lai-ah va si ni. Bang hang hiam cih leh Topa’ tungah i mawh manin Topa i Pasian in eite a si dingin hong seh khinzo a, i dawn dingin gu tui hong pia khinzo hi.

Joshua 10:18

Tua ciangin Joshua in, “Suangtum lianpite a leihawm gong liknelh unla, a cing dingin a gei-ah mi koih un.

Joshua 10:20

Joshua le Israel mite in amaute a beisiang dongin tampi tak a thah khit uh ciang, le a suakta lai mite amau’ khuapi muanhuai sungah a tum khit uh ciangin,