Joshua 10:13 - Tedim Bible

¹³ Tua ciangin hih minamte in a galte uh a zawh khit mateng ni ding cipin kha a khawl hi. Hih thute, Jashar’ Laibu sungah kigelh hi. Vankim lai-ah ni khawlin ni khat bup bang tumsuk lo hi.

Tedim Bible Revision 2017

¹³ Tua ciangin hih minamte in a galte uh a zawh khit mateng ni ding cipin kha a khawl hi. Hih thute, Jasharʼ Laibu sungah kigelh hi. Vankim lai ah ni khawlin ni khat bup bang tum suk lo hi.

Joshua 10:13 Iomraidhean Croise

2 SAMUEL NIHNA 1:18

amah in Judah mite tungah hih kah la a kihilh nading thu a pia hi. Tua la pen Jashar Laibu sungah kigelh hi. Amah in:

2 KUMPI NIHNATE 20:10

Tua ciangin Hezekiah in dawngin, “Liim kal sawm a mai nawt ding a baih khat ahi hi; liim kal sawm nungkiksak zaw in,” a ci hi.

Esther 8:13

Tua thupiakna lai pen gam khempeuhah kihawmin mi khempeuh kitheisakin, amau’ galte a thukkikna ding ahi tua ni tawh kisai-in Jew mite a kiginkholh ding uh ahi hi.

JOB (Job) 9:7

Amah in ni a suak lo dingin thu pia a, aksite sincip hi.

Late 148:3

Ni le kha aw, amah phat un. A taang aksi khempeuh aw, amah phat un.

Late 19:4

Ahih hangin a aw uh leitung khempeuhah kizel a, a kammal uh leimong dongah a tung hi. Amau’ sungah ni a’ ding omna khat bawl khin a,

Isaiah 24:23

Tua ciangin khapi mial ding a, ni taang nawn lo ding hi. Bang hang hiam cih leh Vanglian Topa in Zion Mual tung le Jerusalem khua sungah uk ding a, ama upate’ mai-ah ama minthanna vang kilangsak ding hi.

Isaiah 38:8

En in, Ahaz kumpipa’ ni-nai tungah nitum kuana liim pen kal sawm ka nungkiksak ding hi, ci hi,” a ci hi. Tua ahih ciangin a tum khinsa ni pen ni-nai tungah kal sawm a nungkik hi.

Joel 2:10

Amau’ mai-ah leipi ling a, vanpi nangawn ling damdam hi. Ni le kha zong mialta a, aksite zong taang nawn lo hi.

Joel 2:31

Topa’ ni, tua a lauhuai hun a hong tun ma-in ni hong mialin, kha, sisan hong bang ding hi.

Joel 3:15

Ni le kha mialta a, aksite zong taang nawn lo hi.

Habakkuk 3:11

Na thaltang leeng a muh ciang, na teipi tee zalzal a muh ciangin, ni le kha a omna sanah a khawlcip uh hi.

Gamlak-vakna 21:14

Tua ahih manin Topa’ Gal Laibu sungah, “Sufa gam a Vuahep khua, le Arnon gun kuamte,

Gamlak-vakna 31:2

“Israel mite’ phu Midian-te tungah la in. Tua khit ciangin na mipihte kiang na zuan ding hi,” a ci hi.

Mattiu 24:29

“Tua gimna hun a tunkhit phetin ni hong mialin kha hong taang nawn lo ding a, vantung panin aksite hong kia ding a, vantung a om nate a pai ngei-in pai thei loin lampialgawp ding hi.

Mattiu 5:45

Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

Luka 18:7

A sun a zanin ama tungah a thumthum ama mite’ thu a manin Pasian in khensak lo ding ahi hiam? Amaute a huh ding kizekaisak ding ahi hiam?

Sawltak 2:20

Topa’ ni, a lian thupi ni, hong tunma-in ni hong mialin, kha, sisan hong bang ding hi.

Joshua 10:11

Israel-te’ mai-ah amaute a tai laitak, Bethhoron paitohna-ah amaute a paisuk laitakun, Topa in vantung panin gialpi lianpite Azekah khua ciang dong, amaute’ tungah lawnsuk a, amaute a si uh hi. Israel mite in namsau tawh a thah sangin tua gialpi hangin a si mi tamzaw hi.

Joshua 10:14

Tua hun ma hitaleh tua hun khit hitaleh Topa in mi khat thu a ngaih tua ni bang nidang om lo hi. Bang hang hiam cih leh Topa in Israel mite a dingin a dosak hi.

Mangmuhna 21:23

Pasian’ minthanna vang pen khuavak hi a, Tuuno zong meivak hi khin ahih manin tua khuapi in nitaang le khataang cihte kisam lo hi.

Mangmuhna 6:10

Amaute nakpitakin kiko uh a, “A thuman, a siangtho, a Vanglian Topa aw, leitungah a omlai, kote a hong that mite tungah cik ciangin thu khenin, kote hong thahna hangin cik ciangin phu la ding na hi hiam?” a ci uh hi.

Mangmuhna 6:12

Ciamtehna gukna a hon ciangin ka khuadak le nakpitakin zin hong ling a, ni pen puanvom bangin hong vomin, kha pen sisan bangin a hong san hi.

Mangmuhna 8:12

A lina vantungmi in a peengkul hong tum a, ni sehthumsuah sehkhat kisatkhia-in, kha zong sehthumsuah sehkhat mah kisatkhia a, aksi zong sehthumsuah sehkhat mah kisatkhia ahih manin a taanna uh sehthumsuah sehkhat ciat a bei hi. Sunin hun sehthumsuah sehkhat tang khua vak lo a, zanin zong hun sehthumsuah sehkhat tang mah kha le aksi taang lo hi.

Thukhente 16:28

Tua ciangin Samson in Topa samin, “Topa Pasian aw, kei hong phawk in, kong thum hi. Tu-a ka mittang nihte’ tang dingin Filistia mite ka thuktheih nadingin hong thahatsak in, tu-a bek kong thum hi,” a ci hi.

Thukhente 5:2

“Makaite in Israel-te makai uh a, mite amau mahmah utna tawh kipia uh hi. Topa phat un.