Joshua 1:4 - Tedim Bible

⁴ Sehnel gam le hih Lebanon panin gun lianpi Eufratis gun dong, ni a tumna lama Tuipi Lian lam, Hit mite’ leitang khempeuh nangma gam hi ding hi.

Tedim Bible Revision 2017

⁴ Sehnel gam le hih Lebanon panin gun lianpi Eufratis gun dong, ni a tumna lam a Tuipi Lian lam, Hit miteʼ leitang khempeuh nangma gam hi ding hi.

Joshua 1:4 Iomraidhean Croise

1 KUMPI MASATE 10:29

Egypt panin leeng khat ciangin ngun shekel zaguk, sakol khat ciangin za le sawmnga-in kingah hi. Tua ahih ciangin kumpipa’ sumbawlte in Hit kumpite le Syria kumpite khempeuh tungah zuakkhia uh hi.

1 KUMPI MASATE 4:21

Solomon in Eufratis panin Filistia gam le Egypt gamgi ciang dong kumpi gam khempeuh uk hi. Amaute in siah hong puak uh a, a nuntak sung tawntung uh Solomon’ na sem uh hi.

1 KHANG TANGTHU MASATE 18:3

Zobah le Hamath gam kumpipa Hadadezer in Eufratis gun kuam gamte ngahkik nuamin hong kuan ahih manin David in amah do-in a zo hi.

1 KHANG TANGTHU MASATE 5:9

Gilead gam sungah amau’ bawngte khangin tampi pha ahih manin Eufratis gun hih lampang sehnel gam lutna ciang dong nisuahna lamah zong a teng uh hi.

Ezra 4:20

A vanglian kumpite in Jerusalem-ah uk ngei-in, Eufratis Gungal gambup tungah aana zang uh a, siah, mangmu, le losapte tua kumpite tungah kipia hi.

Paikhiatna 23:31

Keimah in San Tuipi panin Filistia mite’ tuipi ciang le sehnel gam panin Eufratis gun ciang dongah na gamgite uh ka phut ding hi. Bang hang hiam cih leh tua gam a teng mite note’ khut sungah kong pia ding a, note in na mai uh panin amaute na hawlkhia ding uh hi.

Thu-hilhkikna 1:7

Kithawi-in na khualzin uh kipan kik unla, Amor mite’ mualtung gam le Arabah kiim, mualtung gam, lei niamna gam, Negeb gam khempeuh, le Kanaan mite’ gam tuipi gei le Lebanon, gun golpi ahi Eufratis gun dongin pai un.

Thu-hilhkikna 11:24

Na khe un a sikna mun khempeuh nomau a’ hi ding hi. Na gamgi uh sehnel gam panin Lebanon ciang dong le Eufratis gun panin nitumna tuipi dong hi ding hi.

Thu-hilhkikna 3:25

Kei hong paisak inla, Jordan galkhat a om gam hoih, tua mualtung gam hoih le Lebanon hong musak in, ci-in kong thum hi,’ ka ci hi.

Mangmuhna 9:14

Tua awging in peengkul a tawi vantungmi a gukna kiangah, “Eufratis Gun lianpi-ah a kihencip vantungmi lite khahkhia in,” a ci hi.