Jonah 4:3 - Tedim Bible

³ Tua ahih ciangin Topa aw, tu-in ka nuntakna hong la in, ci-in kong thum hi. Bang hang hiam cih leh ka nuntak sangin sileng kei a dingin a hoihzaw hi,” a ci hi.

Tedim Bible Revision 2017

³ Tua ahih ciangin Topa aw, tu-in ka nuntakna hong la in, ci-in kong thum hi. Bang hang hiam cih leh ka nuntak sangin si leng kei adingin a hoih zaw hi,” a ci hi.

Jonah 4:3 Iomraidhean Croise

1 KUMPI MASATE 19:4

Ahih hangin amahmah gamlakah ni khat lam pailai-in poding kung nuai khatah a tu hi. Tua ciangin amah in a sih nading thu ngenin, “Phazo hi; tu-in Topa aw, ka nuntakna hong la ta in; bang hang hiam cih leh ka pate sangin kei ka hoihzaw kei hi,” a ci hi.

Thuhilh-sia 7:1

A manpha paknamtui sangin minpha hoihzaw a, i suah ni sangin i sih ni hoihzaw hi.

Thuhilh-sia 7:9

Heh pahpah kei in; hehna a haihuai ahi hi.

Jeremiah 8:3

Hih a gilo minamte’ lakah a omlai sunteng in ka hawlkhiatna munah nuntak ding sangin sih ding a teelzaw ding uh hi, Vanglian Topa in kong ci hi.

Jonah 4:4

Topa in zong, “Na heh ding kilawm sa na hi hiam?” a ci hi.

Jonah 4:8

Ni hong suah ciangin Pasian in nisuahna lam panin huih a sa mahmah nungsak a, ni in zong Jonah’ luzang kapsuk veva ahih manin a gim mahmah hi. Tua ciangin amah in, “Ka nuntak sangin si leng kei a dingin hoihzaw hi,” ci-in a sih nading thu a ngen hi.

Gamlak-vakna 11:15

Hih bangin kei hong bawl ding na hih leh, ka gentheihna ka kimuh loh nadingin nong hehpih zawh leh, thakhatin hong thatzaw in,” a ci hi.

Gamlak-vakna 20:3

Mite, Moses tawh kiselin, “Topa’ mai-ah ka sanggamte uh a sih lai-in a si hizaw hoh ta le ung!

1 KORIN MASA 9:15

Ahi zongin hih ngahtheih ding hamphatnate khempeuh ka la kei a, tu-in zong ka ngahtheih nadingin hih lai a hong gelh ka hi kei hi. Hih ka kisialhna teng a mawkna a suah ding sangin ka si nuamzaw hi.