Jonah 3:3 - Tedim Bible

³ Jonah zong kithawi pah a, Topa’ cih bangin Nineveh khua-ah a pai hi. Nineveh khua pen khuapi lian mahmah khat hi a, ni thum sung tak kikantan hi.

Tedim Bible Revision 2017

³ Jonah zong kithawi pah a, Topaʼ cih bangin Nineveh khua ah a pai hi. Nineveh khua pen khuapi lian mahmah khat hi a, ni thum sung tak kikantan hi.

Jonah 3:3 Iomraidhean Croise

Piancilna 22:3

Tua ahih ciangin zingsangin Abraham tho baih a, a la tutphah vawhin, ama nasem tangval nih le a tapa Isaac a paipih hi. Amah in meihal biakpiak nadingin sing ek a, ama tunga Pasian’ gensa munah a pai hi.

Piancilna 30:8

Tua ciangin Rachel in, “Nakpi takin hanciamna tawh ka sanggamnu ka zo hi,” a ci hi. Tua ahih ciangin ama min Naftali a phuak hi.

Late 36:6

Na thumanna pen Pasian’ mualte tawh kibang a, na thukhennate pen tuipi thuk tawh kibang hi. Mihing le ganhing na hon hi, Topa aw.

Late 80:10

Ama liim in mual liante hoihtakin liimsun a, a hiang in taamtak sing liante hoihtakin khuh a,

Isaiah 37:37

Tua ciangin Assiria kumpipa Sennakherib taikhia a, a inn-ah ciahin Nineveh khua-ah a teng hi.

Jonah 1:2

“Kithawi inla, a lian mahmah Nineveh khuapi-ah va pai-in thu va hilh in; bang hang hiam cih leh amau’ gitlohna thu ka za khinzo hi,” a ci hi.

Jonah 4:11

Tua ahihleh keimah in ganhing tampi tham lo, a taklam khut le a veilam khut nangawn a khenthei nai lo naupang tul za le tul sawmnih sangin a tamzawte’ tenna, a lian mahmah Nineveh khuapi pammaih sa lo ding ka hi hiam?” ci-in a dawngkik hi.

2 TIMOTI NIHNA 4:11

Luka bek kei kiangah om hi. Marka in nasepna-ah nakpitakin hong huhthei ahih manin na hong pai ciangin amah hong tonpih in.