Jonah 2:9 - Tedim Bible

⁹ Ahih hangin ke’n ahihleh lungdamna aw tawh biakna kong pia ding a, ka ciamsa thu ka tangtungsak ding hi. Topa’ kiang pan hotkhiatna hong pai hi,” a ci hi.

Tedim Bible Revision 2017

⁹ Ahih hangin keʼn ahihleh lungdamna aw tawh biakna kong pia dinga, ka ciam sa thu ka tangtungsak ding hi. Topaʼ kiang pan hotkhiatna hong pai hi,” a ci hi.

Jonah 2:9 Iomraidhean Croise

Piancilna 35:3

Ka lungkham hunin hong huhin, ka paina khempeuhah a hong ompih Pasian a dingin biakna tau khat ka bawl theih nadingin eite kipanin Bethel-ah paito ni,” a ci hi.

2 SAMUEL NIHNA 15:7

Kum li a cin ciangin Absalom in kumpipa kiangah, “Kei hong paisak inla, Topa’ tungah ka ciamsa ka thuciam, Hebron-ah hong piasak in, ci-in kong thum hi.

JOB (Job) 22:27

Thu na nget ciangin na ngetna hong pia ding a, nangma thuciamnate na tungsak ding hi.

Late 107:22

Lungdam koh piaknate pia-in ama nasepnate lungdam la tawh amaute gensak un.

Late 27:1

Topa, ka khuavak le hong honpa ahi hi. Kua kihta ding ka hi hiam? Topa, kei a dingin munmuanhuai ahi hi. Bang laupih ding ka hi hiam?

Late 3:8

Gualzawhna pen Topa nangma hang ahi hi. Na mite tungah na thupha hong tung ta hen!

Late 50:14

Lungdam biakpiakna Pasian tungah pia unla, Sangpenpa tungah na thuciamnate uh bawl un.

Late 50:23

Biakpiak nadingin lungdam piakna hong paipih mi in kei a hong pahtawi ahi hi. Ka thu a mang mite khempeuh ka honkhia ding hi,” a ci hi.

Late 68:20

Eite’ Pasian pen hong honkhia Pasian hi a, sihna pan a hong suaktasak Topa Pasian ahi hi.

Late 95:2

Ama omna-ah lungdamna ko-in pai ni. Phatna late, ama tungah lungdam takin sa ni.

Isaiah 45:17

Ahih hangin Topa in Israel-te honkhia hi. A tawntungin gualzo ding uh a, cikmah hunin maizumna thuak ngei lo ding uh hi,” a ci hi.

Jeremiah 33:11

Ahih hangin lungdamna aw le kipahna awte, zinei thakte le mothakte’ awte kiza kik ding hi. Topa’ biakinn-ah mite hong pai-in lungdam kohna-in: ‘Vanglian Topa’ tungah lungdamna ko un. Bang hang hiam cih leh Topa hoih a, ama itna kip tawntung hi,’ ci-in a lasakna awte uh a kiza kik ding hi. Bang hang hiam cih leh Topa in kong cihin-ah, a masa-a mah bangin hih gam ka hausakkik ding hi.

Hosea 14:2

Topa’ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Johan 4:22

No Samaria mite in na theih taktak lohpi uh na bia uh a, ahi zongin ko Jew mite tungtawnin hotkhiatna thu hong pai ahih manin kote in ka theih uh a bia ka hi uh hi.

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngahtheih nadingin leitung khempeuhah Pasian in hong piak min dang khat zong om lo hi,” ci-in a gen hi.

ROM (Romans) 12:1

Tua ahih ciangin sanggamte aw, Pasian in eite tam veipi tak hong hehpih ahih manin ama lungkim nading le ama nasep nadingin nomau mahmah a hingtangin Pasian tungah na kipiak nadingun ka hong thum hi. Tua banga kipiakna pen Pasian biakna man taktak ahi hi.

Thu-hilhkikna 23:18

A paktat nu a kiguaihna sum ahi a, a paktat pa a kiguaihna sum ahi zongin thuciamna khat peuhpeuh piakna-in Topa note’ Pasian’ inn sungah na paipih kei ding uh hi. Bang hang hiam cih leh hih tegel pen Topa note’ Pasian’ tungah a kihhuai ahi hi.

Hebru 13:15

Tua ahih manin Jesuh tungtawnin amah i biakna-in i kam tawh ama min pulakin Pasian phat tawntung ni.

Mangmuhna 7:10

Amaute nakpitakin awngin, “Tokhom tungah a tu i Pasian le Tuuno pen eite a hong honkhia ahi uh hi,” a ci uh hi.

1 SAMUEL MASA 12:21

Meetna hong pia thei lo, hong hon thei lo, a mawkna milimte biakna lamah pial kei un; bang hang hiam cih leh tuate pen a mawkna ahi hi.