Jonah 2:8 - Tedim Bible

⁸ Kimanna a nei lo milim a biate in nangmah hong taisan uh hi.

Tedim Bible Revision 2017

⁸ Kimanna a nei lo milim a biate in nangmah hong taisan uh hi.

Jonah 2:8 Iomraidhean Croise

2 KUMPI NIHNATE 17:15

Amaute in ama thukhamte, le a pu a pate uh tawh a bawl a thuciamna, le amaute tungah a piak hilhkholhnate simmawh uh hi. Amaute in a mawkna milimte zui-in a mawkna suak uh a, amaute tawh kibangin gamta kei un ci-in Topa in a thupiak tawh kisai-in, amaute in amau’ kiima om minamte zui uh hi.

Late 142:4

Ka kiim ka pam khuadakin ka en kawikawi a, ahih hangin kei hong huh ding kuamah om lo hi. Ka belh ding kuamah om lo a, kuamah in kei hong don lo hi.

Late 31:6

Mawkna milim a thupi ngaihsutte na mudah hi; ahih hangin keimah in Topa ka hong muang hi.

Late 69:14

Buannawng thuk sungah tumsukna ding panin nangma thuman huhna tawh kei hong hon inla, tuithukte le ka galte’ kiang panin kei hong suaktasak in.

Jeremiah 10:8

A mipilte uh mihai mimawl ahi uh hi. Sing milim in amaute bangci-in hilh thei mah ding ahi hiam?

Jeremiah 16:19

Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuauthu le bangmahin a kimang lo milimte longal bangmah dang a luah kei ding uh hi.

Jeremiah 2:13

Bang hang hiam cih leh ka mite in mawhna nam nih a bawlzo uh hi. Nuntakna ciktui ahi keimah a hong taisanzo uh hi. Tuikhuk totawm uh a, a tuikhuk tawh uh keu-in, tui a vung thei kei hi.

Micah 1:2

No minam khempeuhte aw, hih thu za un: Leitungah a teng mi khempeuhte aw, hih thu ngai un: Note’ langkhatah Topa Pasian in teci pang a, a vantung biakinn panin thu hong gen hi.

1 SAMUEL MASA 12:21

Meetna hong pia thei lo, hong hon thei lo, a mawkna milimte biakna lamah pial kei un; bang hang hiam cih leh tuate pen a mawkna ahi hi.