Johan 9:5 - Tedim Bible

⁵ Leitungah ka om laiteng kei pen leitung mite a dingin khuavak ka hi hi,” ci-in a dawng hi.

Tedim Bible Revision 2017

⁵ Leitungah ka om lai teng kei pen leitung mite adingin khuavak ka hi hi,” ci-in a dawng hi.

Johan 9:5 Iomraidhean Croise

Isaiah 49:6

Amah in, “Jakob minamte a laamto ding le a suaktalai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Mattiu 4:16

Khuamial sunga a teng mite in khuavak lianpi mu ding uh hi. Sihna gam khuamial sungah a teng mite tungah khuavak hong taang ding hi,” ci hi.

Mattiu 5:14

“Note pen leitung mite a dingin khuavak tawh na kibang uh hi. Mual dawnah a om khua kiseelcip thei lo hi.

Luka 2:32

Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Johan 12:46

Kei hong um mi khempeuh, khuamial sungah a om nawn loh nadingun leitung khuavak bangin ka hong pai hi.

Johan 8:12

Tua khit ciangin Jesuh in mihonte kiangah a thugenna khatah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

Sawltak 13:47

Bang hang hiam cih leh Topa in kote kiangah thu hong pia khinzo a, ‘Leitung mi khempeuh in hotkhiatna a ngahtheih nadingin Gentail mite’ khuavak ahi dingin ka hong koih hi,’ hong ci hi,” a ci uh hi.

Sawltak 26:18

Pasian’ teel mite’ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theihna dingin Satan’ khutsung panin Pasian’ khut sungah a heikhia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Sawltak 26:23

Tua thu in: Khrih pen sihna thuakin a hingkik masa pa hi ding a, Jew mite le Gentail mite tungah hotkhiatna khuavak thu a hong gen pa hi ding hi, cihna thu ahi hi,” a ci hi.

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khrih in nang hong taan ding hi,” kici hi.

Mangmuhna 21:23

Pasian’ minthanna vang pen khuavak hi a, Tuuno zong meivak hi khin ahih manin tua khuapi in nitaang le khataang cihte kisam lo hi.