Johan 9:31 - Tedim Bible

³¹ Pasian in thukham a palsat mite’ thu ngai lo a, amah bia-in, ama deih bangin a gamta mite’ thu ngai hi, ci-in ko ka thei uh hi.

Tedim Bible Revision 2017

³¹ Pasian in thukham a palsat miteʼ thu ngai lo a, amah bia-in, ama deih bangin a gamta miteʼ thu ngai hi, ci-in ko ka thei uh hi.

Johan 9:31 Iomraidhean Croise

Piancilna 19:29

Pasian in kuam sunga khuapite a suksiat lai-in, amah in Abraham phawk a, amah in Lot’ tenna khuapite a suksiat ciangin tua bang a suksiatna sung panin Lot sawlkhia ahih manin a suakta ahi hi.

Piancilna 20:7

Tua ahih ciangin tu-in mipa’ zi piakik in. Bang hang hiam cih leh amah, kamsang khat hi a, amah in nang a dingin thu hong ngetsak ding a, nang na nungta ding hi. Ahih hangin nang in tua numei na piakkik kei le nang le na mi khempeuh na sih taktak ding uh thei in,” a ci hi.

JOB (Job) 35:12

Amaute migilo mi kihisakte ahih manun, huh ding a nget hangun Pasian in pia lo hi.

JOB (Job) 35:13

Ngetnget, gengen, a phattuamna bangmah om lo hi. Vanglian Pasian in na mu lo, na ngai lo hi.

JOB (Job) 42:8

Tu-in bawngtal sagih le tuutal sagih la-in Job kiangah paipih un la, note a dingin biakpiakna-in nei un. Job in note a dingin thu hong ngetsak ding a, keimah in ama thungetna ka pia ding hi. Note’ haina zahin kong minsiasak kei ding hi. Note in Job’ gen bangin keima thu a manin na gen kei uh hi,” a ci hi.

Late 106:23

Tua ahih ciangin amaute a suksiatna ding a hehna panin a heikhia dingin Pasian’ mai-ah ama teelpa Moses ding hikeileh amaute ka susia ding hi, amah in ci hi.

Late 143:10

Keima Pasian na hih manin nangma deih bangin a gamta dingin kei hong hilh in. Kei hong hehpih inla, lam phei-ah hong kha in.

Late 145:19

Amah a zahtakte’ deihna a kicingin tungsak a, amaute’ kikona zong za-in amaute a honkhia hi.

Late 18:41

Huhna ding ngenin amaute kikoko uh a, ahih hangin a hon ding kuamah om lo hi. Amaute in Topa’ tungah ko uh a, ahih hangin amah in dawng lo hi.

Late 40:8

Nangma deih bang hihna-ah nuam ka sa hi, ka Pasian aw. Nangma thukham ka lung sungah om hi,” ka ci hi.

Late 99:6

Moses le Aaron-te ama siampi hi uh a, amah a biate lakah Samuel zong a kihel hi. Topa’ tungah amaute kiko uh a, amah in amaute a dawng hi.

Paunak 15:29

Topa in midikte’ thungetna ngai a, migilote’ thungetna thudon lo hi.

Paunak 21:13

Mizawngte’ huh ngetna a pia nuam lote pen amau zong cimawhin huhna a nget uh ciangin kipia lo ding hi.

Paunak 28:9

Mi khat in thukham a zuihnop kei leh ama thungetna nangawn Pasian in zakthadahhuai sa hi.

Isaiah 1:15

“Thungenin na khutte uh nong zaak uh ciangin note kong en kei ding a, thu tampi na nget uh hangin ke’n ka ngai tuan kei ding hi. Bang hang hiam cih leh sisan tawh note’ khut kidim hi.

Isaiah 58:9

Tua ciangin nong thungetna uh ka hong pia ding a, nong sap uh ciangin ka hong dawng ding hi. Mi bawlsiatnate khawlin, mi simmawhna le kam gilo na paunate uh na khawl uh a,

Jeremiah 11:11

Tua ahih ciangin Topa in kong cihin-ah, en un, a pelh theih loh uh gimna amau’ tungah ka tungsak ding a, kei kiangah a hong kap liang uh zongin ka dawng nawn kei ding hi.

Jeremiah 14:12

An a tan’ uh hangin amau’ thumna ka ngai kei ding a, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisakzaw ding hi,” hong ci hi.

Jeremiah 15:1

Tua ciangin Topa in kei hong hopih a, “Moses le Samuel nangawn ka mai-ah hong dingin hong thum uh zongin hih mite ka hehpih tuan kei ding hi. Ka muhna panin hawlkhia unla, paikhia sak un.

Ezekiel 8:18

Tua ahih manin amaute in ka heh mahmahna thuak ding uh a, amaute zah loin, zong ka khasiat kei ding hi. Amaute in a thaneih tawpun kei kiangah thu hong nget uh hangin amaute’ thungetna ka ngai kei ding hi,” a hong ci hi.

Micah 3:4

Topa’ tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Zekhariah 7:13

Amaute ka hopih ciangin hong ngai nuam lo uh hi; kei zong amaute’ hong thungetna ka ngai kei ding hi, Vanglian Topa in ci hi.

Johan 11:22

Tu nangawnin na nget peuhpeuh Pasian in hong piak ding ka thei hi,” a ci hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Johan 4:34

Tua ciangin Jesuh in, “Keimah hong sawl pa’ deihna bangin na semin, sep dingin hong piak nasep zawhna pen ka nuntakna an ahi hi.

Johan 7:17

Pasian’ deihna bangin a gamta nuam mi peuhmah in, ka thugente pen Pasian’ kiang panin a hong pai thu a gen ka hihna leh keima thu bek tawh a gen ka hihna khenthei ding uh hi.

Johan 9:30

Tua ciangin mittaw ngei pa in, “Amah in kei khua hong musak thei napi, amah koi pana hong piang ahi hiam cih na theih loh uh lamdang mahmah hi.

Johan 9:32

Leitung pian’ cil a kipanin pianpih mittaw khua a musak thei a omlam kiza ngei nai lo hi.

Thu-hilhkikna 1:45

Note hong ciahkikin Topa’ mai-ah na kap uh hi. Ahih hangin Topa in na aw uh hong ngai loin, a bil zong hong ngat lo hi.

Hebru 10:7

Tua ahih manin, ‘Thukham laibu sungah keima thu a kigelh bang teekteek mahin keima hih ding nong deih bang teekteek mah ahih dingin ka hong pai hi, Pasian aw,’ ka ci hi,” a ci hi.