Johan 9:30 - Tedim Bible

³⁰ Tua ciangin mittaw ngei pa in, “Amah in kei khua hong musak thei napi, amah koi pana hong piang ahi hiam cih na theih loh uh lamdang mahmah hi.

Tedim Bible Revision 2017

³⁰ Tua ciangin mittaw ngei pa in, “Amah in kei khua hong musak thei napi, amah koi pan a hong piang ahi hiam cih na theih loh uh lamdang mahmah hi.

Johan 9:30 Iomraidhean Croise

Late 119:18

Nangma thukham sung panin a lamdang nate ka muh theih nadingin keima mitte hong honsak in.

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amau’ mipilte’ pilna kisia ding a, amau’ thu mutheite’ thu muhtel theihna kiseel ding hi,” a ci hi.

Isaiah 29:18

Tua ni ciangin bilngongte in laibu sunga thute za ding a, lungzinna le khuamialna sung panin mittawte’ mit in mu ding uh hi.

Isaiah 35:5

Tua ciangin mittawte’ mit kihong ding a, bilngongte’ bil kihong ding hi.

Mattiu 11:5

Mittawte in khua mukik a, khebaite paithei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Mattiu 21:42

Jesuh in amaute kiangah, “Lai Siangtho sungah, ‘Innlamte in a nilkhiat suang pen innkiu suang bulpi suak khinta hi. Hih pen Topa’ bawl hi a, i muh ciangin lamdang i sa hi,’ ci-in a kigelhna sim ngei lo na hi uh hiam?

Marka 6:6

Amaute in amah a uploh manin lamdang a sa mahmah hi. Tua ciangin tua kiima om khuaneute-ah thuhilhin a pai kawikawi hi.

Luka 7:22

Tua ahih manin Johan’ kamtaite kiangah, “Va ciahkik unla, na muhsa uh le na zaksa uh thute khempeuh Johan kiangah va gen un. Mittawte in khua muthei a, khebaite lam paithei a, miphakte damkik a, bilngongte in khua zathei kik a, misite kihingsakkik a, mizawngte tungah Lungdamna Thu kihilh hi.

Johan 12:37

Amaute’ muhin Jesuh in hih nalamdang khempeuh a bawl hangin amaute in um lo uh hi.

Johan 3:10

Jesuh in, “Israel mite’ sia hinapi-in hih thu theithei lo na hi hiam?

Johan 9:29

Pasian in Moses a hopihna thu ka thei uh a, hih mipa ahihleh koi lai panin hong piang ahi hiam cih nangawn ka thei kei uh hi,” a ci uh hi.

Johan 9:31

Pasian in thukham a palsat mite’ thu ngai lo a, amah bia-in, ama deih bangin a gamta mite’ thu ngai hi, ci-in ko ka thei uh hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.