Johan 9:29 - Tedim Bible

²⁹ Pasian in Moses a hopihna thu ka thei uh a, hih mipa ahihleh koi lai panin hong piang ahi hiam cih nangawn ka thei kei uh hi,” a ci uh hi.

Tedim Bible Revision 2017

²⁹ Pasian in Moses a hopihna thu ka thei uh a, hih mipa ahihleh koi lai panin hong piang ahi hiam cih nangawn ka thei kei uh hi,” a ci uh hi.

Johan 9:29 Iomraidhean Croise

1 KUMPI MASATE 22:27

Tua ciangin, ‘Kumpipa in hih bangin ci hi: “Hih mipa thong sungah koih unla, lungnuamin kei kong ciahkik matengin anletui tawmno cik bek tawh vak un,” ci hi,’ va ci un,” a ci hi.

2 KUMPI NIHNATE 9:11

A topa’ nasemte kiangah Jehu hong pusuah ciangin amaute in ama kiangah, “Thu khempeuh a hoih hiam? Bang hangin hih mihai pa nang kiangah hong pai ahi hiam?” a ci uh hi. Tua ciangin amah in amaute kiangah, “A mipa le a thugen na thei uh hi,” a ci hi.

Late 103:7

Amah in ama geelna Moses tungah gen a, ama nasepnate Israel mite a musak hi.

Late 105:26

Amah in, ama nasem Moses le ama teelsa Aaron a sawl hi.

Late 106:16

Gamlakah Moses le Topa’ mi siangtho Aaron a hazat uh ciangin,

Late 22:6

Ahih hangin kei pen lungno khat bang lel ka hi a, mi ka bang kei hi. Mite’ ko gawpgawp, mite’ simmawh ka hi hi.

Malakhi 4:4

“Israel mite khempeuh in a zuih dingin Horeb Mual panin ka nasem Moses tungah ka piak ahi, Moses’ thukhamte, ngeinate, le biakna ngeina kipte khempeuh limtakin phawk un.

Gamlak-vakna 16:28

Tua ciangin Moses in, “Hih na khempeuh a sem dingin Topa in kei hong sawl hi. Hih nasep pen keima utthu ahih lohna, hih thu tawh na thei ding uh hi.

Mattiu 12:24

Ahi zongin Farisi mite in hih thu a zak uh ciangin, “Dawimangpa Beelzebul min tawh dawi a hawlkhia hi lel hi,” a ci uh hi.

Mattiu 26:61

“Hih mipa in, ‘Pasian’ Biakinn susia-in ni thum sungin ka lamkik thei ding hi,’ ci hi,” a hong ci uh hi.

Luka 23:2

Tua lai panin amah mawhzon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, amahmah zong Khrih ahi kumpi khat ahihna a kigenna zong ka za uh hi,” a ci uh hi.

Johan 1:17

Pasian in Moses tungtawnin Thukham hong pia a, ahi zongin Jesuh Khrih hangin itna le cihtakna thu hong pai hi.

Johan 7:27

Tua ding lah, hih mipa hong piankhiatna i theih hi a, Khrih hong pai ciangin ama piankhiatna kuamah in a theih ding hi lo hi,” a ci uh hi.

Johan 7:28

Tua ahih manin biakinn sungah a gen mah bangin mi khempeuh zakin genkhia a, “Kei hong theitel taktak a, ka hong piankhiatna mun a thei takpi mah na hi uh hiam? Keima thu tawh a hong paitawm ka hi kei hi; kei a hong sawl a thuman pa a thei lo na hi uh hi.

Johan 8:14

Jesuh in, “Kei le kei a kigentawm ka hih hangin ka thugente a man mah hi veve hi. Bang hang hiam cih leh koi panin hong pai-in koi lai-ah pai ding cih ka kithei a, note in kei ka hong paikhiatna le ka pai nading a thei lo na hizaw uh hi.

Johan 9:16

Farisi mi pawlkhat in, “Amah in Sabbath ni tang lo ahih manin Pasian kiang panin hong pai mi hi lo ding hi,” a ci uh hi. Ahi zongin pawlkhatte in, “A gamta khial mi in bang hangin hih bangin nalamdang bawlthei ding ahi hiam?” ci leuleu ahih manin mite’ ngaihsutna kituak lo hi.

Johan 9:24

Tua ciangin a mittaw ngei pa mah samkik leuleu uh a, “Pasian’ mai-ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,

Johan 9:30

Tua ciangin mittaw ngei pa in, “Amah in kei khua hong musak thei napi, amah koi pana hong piang ahi hiam cih na theih loh uh lamdang mahmah hi.

Sawltak 22:22

Paul in Gentail mite kianga pai nading thu a gen matengin mite in limtakin a ngai uh hi. Ahi zongin tu-a thu a pulak ciangin a aw neihzah uh tawh mite kiko-in, “Leitungah hih bang mi omsak kei un! That un! A hing dingin kilawm lo!” ci-in a awng uh hi.

Sawltak 26:22

Ahi zongin Pasian in tuni ciang dong hong huh ahih manin milian mineu, a kuamah peuh tungah thu a hilh ka hi hi. Keima thuhilhte pen kamsangte le Moses in hong tung ding hi, ci-in a gen thute mah ahi hi.

Sawltak 7:35

“Moses pen Israel mite in deih loin, ‘Kote a hong uk ding le thu a hong khen dingin kua in hong koih ahi hiam?’ a cih pa uh ahi hi. Ahi zongin Moses pen sawlpang kuang sung pan ama kiangah a kilang vantungmi’ huhna tawh ukpa le honkhia pa ahi dingin Pasian in a sawl pa ahi hi.

Thu-hilhkikna 34:10

Israel mite sungah Moses bangin Topa in maitang kimu-in a theih kamsang dang kuamah om lo hi.

Hebru 1:1

A beisa hunah Pasian in kamsangte zangin i pupite tungah a lam tuamtuam tawh a khen khenin thu na gen ngeizo hi.

Hebru 1:2

Ahi zongin tuhun nunung ciangin leitung vantung na khempeuh a bawlin a zat, a tawpna-ah na khempeuh a luah dingin a seh a Tapa zangin eite tungah thu hong gen hi.