Johan 9:24 - Tedim Bible

²⁴ Tua ciangin a mittaw ngei pa mah samkik leuleu uh a, “Pasian’ mai-ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,

Tedim Bible Revision 2017

²⁴ Tua ciangin a mittaw ngei pa mah samkik leuleu uh a, “Pasianʼ mai ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,

Johan 9:24 Iomraidhean Croise

Ezra 10:11

Tua ahih ciangin tu-in na pu na pate uh Pasian ahi Topa’ tungah na mawhna uh pulak unla, ama deihna bangin gamta-in hih gam a teng gamdang mite le gamdang mi ahi na zite uh tawh kikhenin tuam om un,” a ci hi.

Isaiah 66:5

Ama thu-ah lau-in a ling mite aw, Topa’ thu za un: Keima tungah note nong cihtakna hangun na mipihte uh pawlkhat in note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Marka 15:27

A taklamah khat, a veilamah khat, mi thatte nih tawh a kikhai khawm hi.

Luka 15:2

Farisi mite le Thukham hilh siate phun uh a, “Hih mipa, mawhneite tawh kikhawlin an nangawn nekhawm hi,” a ci uh hi.

Luka 19:7

Hih thu a thei mi khempeuh phun uh a, “Mimawh pa’ inn-ah a giak dingin Jesuh a pai hi,” a ci uh hi.

Luka 7:39

Jesuh a sam Farisi mipa in a muh ciangin a lungsim sungah, “Hih pa pen kamsang taktak hileh amah a lawng hih numeinu a bangci mi ahi hiam cih thei ding a, ama gamtat hoih lohna teng zong thei ding hi,” a ci hi.

Johan 14:30

Tu-in hih leitung a ukpa hong tungta ahih manin note kiangah thu kong gen man nawn kei ding hi. Amah in keima tungah aana nei lo hi.

Johan 16:2

Amaute in a kikhopna uh innte panin note hong hawlkhia ding uh hi. Note hong that mite pen Pasian’ nasemin a kingaihsut ding uh hun hong tung ding hi.

Johan 18:30

amaute in, “Hih mipa a gamtat a sialo hileh nang kiangah ka hong paipih kei ding uh hi,” ci-in a dawng uh hi.

Johan 19:6

Siampi liante le biakinncing palikte in a muh uh ciangin “Singlamteh tungah that in, singlamteh tungah that in!” ci-in a kiko uh hi. Pilat in amaute kiangah, “Na ut uhleh paipih unla, singlamteh tungah that un! Ke’n ama khialhna ka mu kei hi,” a cih ciangin

Johan 8:46

Note lakah kua in ka mawhna na hong lakthei uh hiam? Hong lak thei lo na hih manun thuman ka gen ciangin bang hangin hong um lo na hi uh hiam?

Johan 8:49

Jesuh in, “Kei dawivei ka hi kei hi. Keimah in ka Pa ka zahtakbawl a, ahi zongin note in kei nong simmawhbawl uh hi.

Johan 9:16

Farisi mi pawlkhat in, “Amah in Sabbath ni tang lo ahih manin Pasian kiang panin hong pai mi hi lo ding hi,” a ci uh hi. Ahi zongin pawlkhatte in, “A gamta khial mi in bang hangin hih bangin nalamdang bawlthei ding ahi hiam?” ci leuleu ahih manin mite’ ngaihsutna kituak lo hi.

Johan 9:25

“Amah a gamta khial ahihleh ahihloh bangmah ka thei kei hi. Keima theih thu in: Nidangin a mittaw kimlai, tu-in khua ka mukik theita hi,” ci-in a dawng hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hihzo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingte’ mawhna lungsim mah a nei-in a hong pai hi.

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

Joshua 7:19

Tua ciangin Joshua in Akhan kiangah, “Ka tapa aw, Israel Topa Pasian minthangsak inla, amah phat in. Tu-in na gamtatnasate kei tungah hong gen inla, bangmah hong im kei in,” a ci hi.

Mangmuhna 11:13

Tua hun laitakin nakpitakin zin ling a, a khuapi sehsawmsuah sehkhat tang ding kisiacip a, tua zinling in mi tulsagih a sisak hi. A si lo a hing laite lau mahmah uh a, vantung Pasian a liatna thu a phat uh hi.