Johan 9:2 - Tedim Bible

² A nungzuite in, “Sia aw, hih pa a mittawtna ama mawhna hang ahi hiam, a nu a pate’ mawhna hang ahi hiam?” ci-in a dong uh hi.

Tedim Bible Revision 2017

² A nungzuite in, “Sia aw, hih pa a mittawtna ama mawhna hang ahi hiam, a nu a pateʼ mawhna hang ahi hiam?” ci-in a dong uh hi.

Johan 9:2 Iomraidhean Croise

Paikhiatna 20:5

Tuate’ mai-ah na kun kei ding uh a, tuate na bia kei ding uh hi. Bang hang hiam cih leh keimah note’ Topa Pasian, a aam Pasian ka hi a, kei hong mudahte’ tungah pate’ mawhna tate’ tungah khang thum khang lina dongin thuk-in,

Mattiu 16:14

Amaute in, “Pawlkhat in Tuiphumpa Johan hi, hong ci uh hi; pawlkhat in Elijah hi, hong ci uh hi; pawlkhat in Jeremiah ahih kei leh kamsang khat peuhpeuh hi ding hi, hong ci uh hi,” ci-in a dawng uh hi.

Mattiu 23:7

Mihon lakah mite in hopihin, ‘Sia aw,’ a cih ding uh a ut uh hi.

Mattiu 23:8

Ahi zongin note pen, ‘Sia,’ na kicih ding uh hi lo hi. Sia khat bek na nei uh a, no adangte khempeuh unau khat na hi uh hi.

Luka 13:2

Jesuh in amaute kiangah, “Tua bangin hih Galilee mite kithat ahih manin, Galilee midangte khempeuh sangin hih a kithat mite a mawhna uh lianzaw hi, ci-in ngaihsun na hi uh hiam?

Johan 4:31

Mite a hong tunma hunsung tengin a nungzuite in, “Sia aw, an ne in,” ci-in a kun uh hi.

Johan 9:1

Tua bangin Jesuh a paikhiat ciangin a pianpih mittaw mi khat a mu hi.

Johan 9:34

Tua ciangin amaute in, “Mawhna bulomtang sung panin suakin a khangkhia mipa in kote tungah thu hong hilhsawm na hi hiam?” ci-in tua mittaw ngei pa a hawlkhia uh hi.

Sawltak 28:4

Tua lai-a teng mite in Paul’ khut tunga gul kivial a muh uh ciangin, “Hih mipa pen mi that hi takpi ding hi. Hih tuipi lauhuai panin a suahtak hangin a thuman pasian in hingsak tuan lo ding hi,” ci-in khatlekhat a kikum uh hi.