Johan 9:16 - Tedim Bible

¹⁶ Farisi mi pawlkhat in, “Amah in Sabbath ni tang lo ahih manin Pasian kiang panin hong pai mi hi lo ding hi,” a ci uh hi. Ahi zongin pawlkhatte in, “A gamta khial mi in bang hangin hih bangin nalamdang bawlthei ding ahi hiam?” ci leuleu ahih manin mite’ ngaihsutna kituak lo hi.

Tedim Bible Revision 2017

¹⁶ Farisi mi pawl khat in, “Amah in Sabbath ni tang lo ahih manin Pasian kiang panin hong pai mi hi lo ding hi,” a ci uh hi. Ahi zongin pawl khatte in, “A gamta khial mi in bang hangin hih bangin nalamdang bawl thei ding ahi hiam?” ci leuleu ahih manin miteʼ ngaihsutna kituak lo hi.

Johan 9:16 Iomraidhean Croise

Mattiu 12:10

Tua lai-ah a khut langkhat a zaw mi khat a na om hi. Jesuh gamta khial hi, ci-in a mawhna a zong nuam mi pawlkhat tua lai-ah om uh ahih manin tua mite in Jesuh kiangah, “Sabbath ni-in cina damsak ding a kilawm mah ahi hiam?” ci-in a dong uh hi.

Mattiu 12:2

Farisi mite in a muh uh ciangin Jesuh kiangah, “En in, Sabbath ni-in i hih dingin a kilawm lo gamtatna na nungzuite gamta uh hi,” a ci uh hi.

Luka 13:14

Ahi zongin Jesuh in Sabbath ni-in cina a damsakna hangin kikhopna inn ukpa a heh suak a, mite kiangah, “Na a kisep theih nading hun ni guk sung om hi. Tua hun sungin hong pai-in kidamsak unla, ahi zongin Sabbath ni-in hong pai kei un,” a ci hi.

Johan 10:19

Hih bangin thu a gen ciangin Jew mihonte a ngaihsutna uh kituak lo leuleu hi.

Johan 14:11

Pa tawh pumkhat ka hihna thu hoihtakin hong um un. Na hong up nai kei uhleh zong ka nalamdang bawlnate hangin hong um beek un.

Johan 15:24

Kuamah in a bawl ngei loh na lamdangte amaute lakah a bawl lo hi leng amaute in mawh pualo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 2:11

Jesuh in nalamdang a bawl masak pen Galilee gam Kana khua-ah hih bangin Pasian’ pianzia a neihna kilangsak a, a nungzuite in zong amah a um uh hi.

Johan 3:2

Khatvei zan khuamial laitakin Jesuh kiangah va pai a, “Sia aw, mi khat peuhpeuh Pasian in ompih lo hileh hih na lamdangte kuamah in bawl thei lo ding ahih manin nang pen Pasian’ hong sawl siapa na hihna ka hong thei uh hi,” a ci hi.

Johan 5:10

Jerusalem khuasunga om Jew mi uliante in cina damkik pa kiangah, “Tuni pen Sabbath ni ahih manin lupna pheek na puak ding ngeina hi lo hi,” a cih uh ciangin

Johan 5:36

Ahi zongin Johan’ teci panna sangin a lianzaw teci khat ka nei a, tua in: Ka Pa in sep dingin a hong piak tu-a ka sep thute in kei a dingin teci a pang hi a, Pa in kei a hong sawl taktak ahihna hong kilangsak hi.

Johan 6:52

Hih bangin a thugenna hangin mihonpite khatlekhat kitawng uh a, “Bangci-in hih mipa in nek dingin ama sa hong piathei ding ahi hiam?” a kici uh hi.

Johan 7:12

Ama thu hangin mihonte lakah kam kihona tampi om a, “Amah mi hoih mahmah khat hi,” ci uh a, pawlkhat in, “Mi khemin a lam khialhpih ding pa ahih manin mihoih hi het lo hi,” a ci uh hi.

Johan 7:23

Moses thupiakna a kipelh loh nadingin Sabbath ni-in vun at na hih uhleh Sabbath ni-in mi khat ka damsak manin bang hangin kei tungah heh na hi uh hiam?

Johan 7:43

Tua ahih manin Jesuh thu tawh kisai-ah mihonte’ lungsim kituak lo hi.

Johan 9:24

Tua ciangin a mittaw ngei pa mah samkik leuleu uh a, “Pasian’ mai-ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,

Sawltak 14:4

Tua khuasunga om mite pawl nih pha uh a, pawlkhat in Jew mite panpihin, pawlkhat in sawltakte a panpih uh hi.