Johan 8:59 - Tedim Bible

⁵⁹ Tua bang a cih ciangin amaute in amah a den nading suang tawm uh a, ahi zongin biakinn sung panin Jesuh a gelkhia hi.

Tedim Bible Revision 2017

⁵⁹ Tua bang a cih ciangin amaute in amah a den nading suang tawm uh a, ahi zongin biakinn sung panin Jesu a gel khia hi.

Johan 8:59 Iomraidhean Croise

Piancilna 19:11

Inn kongkhakah a om mi a lian a neute, amaute in a mit uh tawsak uh hi. Tua ahih ciangin kongkhak a zawtzawt hangun mu zo lo uh hi.

Siampi Laibu 24:16

Topa’ min a gensia mipa kithat ding hi. Mihonte khempeuh in amah denglum ding uh hi. Peemta hitaleh tualsung mi hitaleh, Min Siangtho a gensiate kithat ding hi.

Mattiu 12:14

Ahi zongin Farisi mite paikhia uh a, Jesuh a thahtheih nading uh vai a hawm uh hi.

Luka 24:31

Tua laitakin a haktawm bangin Jesuh ahih lamtak mu-in thei uh a, ahi zongin amau’ muhna panin Jesuh a mangpah hi.

Johan 11:54

Tua ahih manin Judea gam sungah a kilangin Jesuh khualzin nawn lo a, amah paikhia-in sehnel gam gei-a om Efraim a kici khua-ah tungin tua lai-ah a nungzuite tawh a om hi.

Johan 11:8

a nungzuite in, “Sia aw, zan mah deuhin Judea gam mite in nang denlup hong sawm uh ahih manin tua gamah paikik sawm na hi hiam?” a cih uh ciangin

Johan 12:36

Khuavak mite na suahtheih nadingun khuavak na neih hun sungun tua khuavak um un,” a ci hi. Jesuh in hih thuteng a genkhit ciangin paikhia-in amaute kiang panin a bu hi.

Johan 18:31

Tua ciangin Pilat in, “Jerusalem khua-a om no Jew mi uliante mah in paikhiatpih unla, nomau Thukham tawh kizui-in ama tungah thu khen un,” ci-in a gen ciangin Jew mite in ama kiangah, “Kote in mi thahtheih nading thu ka nei kei uh hi,” ci-in a dawng uh hi.

Johan 5:13

Ahi zongin tua munah mi tampi om a, Jesuh paikhia ziau ahih manin cina damkik pa in amah a damsak kua ahi hiam, cih a thei kei hi.

Johan 9:1

Tua bangin Jesuh a paikhiat ciangin a pianpih mittaw mi khat a mu hi.

Sawltak 7:57

Ahi zongin amaute in a bil uh humsanin nakpitakin kiko-in Stefen bawhhuan uh a,

1 SAMUEL MASA 30:6

David nakpitakin lungkham hi. Bang hang hiam cih leh mi khempeuh a tanu a tapate uh hangin lungsimsia uh ahih manin amaute in suang tawh amah den ding gen uh hi. Ahih hangin Topa a Pasian in David thakhauhsak hi.