Johan 8:43 - Tedim Bible

⁴³ Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

Tedim Bible Revision 2017

⁴³ Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

Johan 8:43 Iomraidhean Croise

Paunak 28:5

Mi siahuaite in thutang cihmel thei lo uh a, Topa a biate in ahihleh a kicingin a thei uh hi.

Isaiah 44:18

Amaute in bangmah thei lo a, amaute in bangmah khentel thei lo uh hi. Bang hang hiam cih leh amaute in bangmah a muh theih loh nadingun amah in a mit uh humsakin, bangmah a theih loh nadingun a lungsim uh khaksak hi.

Isaiah 6:9

Tua ciangin amah in, “Pai inla, hih mite tungah, ‘Zaza napi tel lo; mumu napi thei lo,’ va ci in.

Jeremiah 6:10

Keimah in ka dawng kik a, “Amaute in a zak theih dingun kua kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

Hosea 14:9

Mipil, thu ngaihsun theite in hih thute theitelin limtakin ciamteh tahen. Topa’ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Micah 4:12

Ahi zongin hih minamte in Topa’ lungsim tawng thei lo uh a, ancilna phualah anphalte kaihkhop bangin amaute kaikhawmin, a cilgawp ding ahihlam phawk lo uh hi.

Mattiu 13:15

Hih mite’ lungsim mawl mahmah hi; a bil uh bingsak uh a, a mit uh a si uh hi. Tua bang hi kei le-uh, a mit uh tawh mu-in, a bil uh tawh za-in, a lungsim un tel ding a, kei lamah amaute hong kihei-in, amaute ka damsak ding hi, ci-in Pasian in gen hi,’ ci-in kigelh hi.

Johan 5:25

A taktakin ci lehang: A si mite in Pasian’ Tapa’ aw a zak hun uh hong tung ding hi bek loin tu-in a hun hong tungkhin hita a, ama aw a za mi khempeuh nungta ding uh hi.

Johan 5:43

Ka Pa’ thu tawh kei hong pai napi-in na hong sangnuam kei uh hi. Tua hinapi-in midang khatpeuh ama thu tawh hong paitawm leh na sang ding uh hi.

Johan 6:60

A nungzuite nangawn un hih thu a zak ciangun, “Hih thugen haksa lua hi. Kua in zuizo ding ahi hiam?” a ci uh hi.

Johan 7:17

Pasian’ deihna bangin a gamta nuam mi peuhmah in, ka thugente pen Pasian’ kiang panin a hong pai thu a gen ka hihna leh keima thu bek tawh a gen ka hihna khenthei ding uh hi.

Johan 8:27

Jesuh in Pa Pasian’ thu a gengen ahih lamtak amaute in thei lo uh hi.

Johan 8:33

amaute in, “Kote Abraham’ suanlekhakte ka hi uh a, cikmahin kuama salin ka om ngei kei uh hi. Tua ahih manin bang hangin, ‘Note suakta ding,’ hong cithei na hi hiam?” a ci uh hi.

Johan 8:39

Amaute in, “Kote’ pa Abraham ahi hi,” ci-in a dawn uh ciangin Jesuh in, “Abraham’ tate taktak hi le-uhcin Abraham’ gamtat bangin na gamta ding uh hi.

Sawltak 7:51

“Na lungsim uh khauh mahmah a, lawki lungsim paii-in, Pasian’ thu-ah bilngong na bang uh hi. I pu i pate mah bangin Kha Siangtho thu na mang nuam kei uh hi.

ROM (Romans) 3:11

a man a thei kuamah om lo a, Pasian tawh kipawl ding a hanciam kuamah om lo hi.