Johan 8:41 - Tedim Bible

⁴¹ Note pen na pa uh gamtat bangin a gamta na hi uh hi,” a ci hi. Tua ciangin amaute in, “Kote pen zawlta ka hi kei uh a, ka Pa uh Pasian ahi hi,” a cih uh ciangin

Tedim Bible Revision 2017

⁴¹ Note pen na pa uh gamtat bangin a gamta na hi uh hi,” a ci hi. Tua ciangin amaute in, “Kote pen zawlta ka hi kei uh a, ka Pa uh Pasian ahi hi,” a cih uh ciangin,

Johan 8:41 Iomraidhean Croise

Paikhiatna 4:22

Nangmah in Faro’ kiangah, ‘Topa in hih bangin ci hi: Israel pen ka tapa a suak masa hi a,

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin nang pen kote’ Pa na hi hi. Topa aw, nang pen kote’ Pa na hi a, nangmah in tanglai pek pan kote a hong honkhia pa na hi hi.

Isaiah 64:8

Ahi zongin Topa aw, nang pen kote’ Pa na hi hi. Kote pen tungman bang hi-in, nang pen beelseek pa bang na hi a, kote khempeuh nangma bawl mite ka hi uh hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen gam nopci mahmah khat nang hong pia ning, ci-in ka ngaihsun hi.

Jeremiah 31:20

“Efraim, ka it ka tapa hi lo ahi hiam? Amah keima ngaihno hi lo ahi hiam? Bang hang hiam cih leh ama thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Hosea 1:2

Topa in Hosea tungtawnin Israel-te tungah thu a na gen cil lai-in, amah in Hosea kiangah, “Hih gammite kei tungah citak loin pasian dangte bia uh ahih manin, nang zong hong tulpih lo ding numei paktat khat tenpih inla, tua nu tawh ta nei in,” a ci hi.

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Kei pen na pa uh hinapi, bang hangin hong zahtak lo a, na topa uh hinapi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Malakhi 2:11

Judah mite citak loin, Pasian tungah a thuciamna uh palsat uh a, Israel mite’ lak le Jerusalem khua sungah siatna tampi gamta uh hi. Topa in a it mahmah biakinn ninsak uh hi. Topa ahi lo, pasian dang a bia numeite, zi-in la-in a tenpih uh hi.

Johan 8:38

Tua ahih manin keimah in ahihleh ka Pa’ hong lahsa thute bek a gen ka hi a, ahi zongin note ahihleh na pa uh hong sawl bangin a gamta na hi uh hi,” a ci hi.

Johan 8:44

Note pen na pa uh Dawimangpa’ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Thu-hilhkikna 14:1

“Note pen Topa na Pasian uh mite na hi uh hi. Misite hangin note ki-atkeh loin, na sam uh zong na mettol kei ding uh hi.

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah pen, note a hong piangsak, note hong bawlin a hong kipsak, na pa uh hi lo ahi hiam?

1 JOHAN MASA 3:12

Dawimangpa’ mi ahi, a naupa mahmah a that Kain bang kei ni. Kain a gamtatna man lo a, a naupa’ gamtatna man ahih manin Kain in a naupa a that ahi hi.