Johan 8:31 - Tedim Bible

³¹ Tua ahih manin amah a um Jew mite kiangah Jesuh in, “Ka thuhilhnate na zuih paisuak nak-uhleh ka nungzui taktakte na hi ding uh hi.

Tedim Bible Revision 2017

³¹ Tua ahih manin amah a um Jew mite kiangah Jesu in, “Ka thuhilhnate na zuih paisuak nak uh leh ka nungzui taktakte na hi ding uh hi.

Johan 8:31 Iomraidhean Croise

Mattiu 24:13

Ahi zongin a bei dongin a thuakzote in hotkhiatna ngah ding uh hi.

Johan 1:47

Jesuh in ama kiangah Nethanel hong pai a muh ciangin, “En un, hih mipa, Israel mi taktak hi a, a lungsimah zuauthu om het lo hi,” a ci hi.

Johan 2:2

Jesuh le a nungzuite zong tua pawi-ah a kisam hi.

Johan 6:55

Bang hang hiam cih leh ka sa, an taktak hi a, ka sisan, dawn ding tui taktak ahi hi.

Johan 8:36

Tua ahih manin Tapa in note hong khah le a suakta takpi na hi uh hi.

Sawltak 13:43

Kikhopna inn panin a ciahkhiat uh ciangin Jew mi tampite le Jew biakna a zui Gentail mi tampite in Paul le Barnabas zui uh a, amau tegel in zong tua mite hanthawnin, Pasian’ hehpihna suangin kiptakin a om nadingun a gen uh hi.

Sawltak 14:22

Thu um mite a upna uhah citakin a om nadingun hanthawnin tha pia uh a, “Pasian’ Ukna sungah i omtheih nadingin haksatna tampi thuak ding hi hang,” ci-in a hilh uh hi.

Sawltak 26:22

Ahi zongin Pasian in tuni ciang dong hong huh ahih manin milian mineu, a kuamah peuh tungah thu a hilh ka hi hi. Keima thuhilhte pen kamsangte le Moses in hong tung ding hi, ci-in a gen thute mah ahi hi.

ROM (Romans) 11:22

Hih thu-ah Pasian a migit mahmahna le a khauh mahmahna i mu hi. A khial mite tungah khauh mahmah a, ama migitna a kizop paisuak theih nadingin na up paisuak nak-uhleh note tungah hong migi mahmah hi. Ahi zongin na zop paisuak kei uhleh note zong hong kisatkhia ding hi.

ROM (Romans) 2:7

Pahtakna, minthanna, le hin tawntungna deihin a gamtat hoih tawntung mite tungah Pasian in nuntak tawntungna pia ding a,

Kolose 1:23

Ahi zongin note in lungdamna thu na zak cil lai-un na neih uh lametna panin ling hetloin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuhah a kihilh lungdamna thu mah ahi hi.

1 TIMOTI MASA 2:15

Ahi zongin numei in a kilawm a kituakin upna, itna le sianthona thu-ah kiptakin a om nakleh nausuah gimna sihpih lo ding hi.

1 TIMOTI MASA 4:16

Na gamtatna le na thuhilhnate-ah hoihtakin kidawmin om lecin nangmah a kipan na thugen a za mite a dingin phattuamna om ding ahih manin na nasepna-ah hoihtakin om in.

2 TIMOTI NIHNA 3:14

Ahi zongin nang na hih leh na theihsa na upsa thute ah kip paisuak in. Nang tungah thu hong hilhte kua mi ahi hiam cih na theihsa hi a,

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

Hebru 8:9

Egypt gam panin a paikhiatpih dingin a pu a pate uh ka khut tawh ka kaih lai a, amaute tawh ka bawl thuciamna bang hi lo ding hi. Amaute tawh ka bawl thuciamna zui lo uh ahih manin kei zong amaute ka don kei hi.

Jeim 1:25

Ahi zongin mite a suaktasak thei thukham cingtaak hoihtakin a et khit ciangin a thu ngai-in a mangngilh pah hi loin, hoihtakin ngaihsun tawntungin a zuite pen a sepna khempeuh uhah Pasian in thupha a pia ding hi.

1 JOHAN MASA 2:19

Khrih’ gal ahi hih mite pen ei’ pawl hi ngei napi-in hong taisan uh hi. Ei’ pawl taktak hileh eite tawh omkhawm paisuak ding uh ahih manin, tu-in amaute paikhia uh ahih ciangin ei’ pawl taktak ahihlohna uh hong kilang hi.

1 JOHAN MASA 2:24

Note in ahihleh a kipat cil a kipan na zak uh thute hoihtakin na zui un. A kipat cil a kipan na zak uh thute hoihtakin na zuih nak-uhleh Tapa tawh kipawlin, Pa Pasian tawh zong a kipawl na hi ding uh hi.

2 JOHAN NIHNA 1:9

Khrih’ thuhilhna zui loin a khengvalin a pai mite pen Pasian tawh a kipawl lo ahi hi. Ahi zongin a thuhilhna a zuite pen Pa Pasian le a Tapa tawh a kipawl ahi uh hi.

1 SAMUEL MASA 12:14

Note in Topa zahtakin ama na sem a, ama aw ngai-in Topa’ thupiakna na langpan’ kei uh a, note a hong uk kumpipa le na Pasian uh na zuih uhleh thu hong nuam ding hi.