Johan 8:2 - Tedim Bible

² Ahi zongin a zing ciang zingsang tungin biakinn-ah paikik a, mihon tampi ama kiangah hong kikhawm uh ahih manin amaute tungah thuhilh ding a kipan hi.

Tedim Bible Revision 2017

² Ahi zongin a zing ciang zingsang tungin biakinn ah paikik a, mihon tampi ama kiangah hong kikhawm uh ahih manin amaute tungah thuhilh ding a kipan hi.

Johan 8:2 Iomraidhean Croise

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

Jeremiah 25:3

“Amon’ tapa Josiah, Judah gamah kumpi a suahzawh a kum sawm le thum pan tu ciang dong kum sawmnih le kum thum sung Topa in kei hong hopih a, ke’n zong note kiangah kong gensawn tawntung hangin note in na ngai kei uh hi.

Jeremiah 32:33

Amaute in kei hong nungngatin hong maingat lo uh a, ka hilh tawntung hangin ka hilhna a hong mang kei uh hi.

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na gamta nawn kei un,’ ci-in kong gensak tawntung hi.

Mattiu 26:55

Tua ciangin Jesuh in mihonte kiangah, “Gal le sa bangin hong ngaihsun a, keimah a man dingin namsau le molhtum tawh hong kuan na hi uh hiam? Nisimin biakinn sungah thu ka hilh niloh a, ahi zongin kei nong man kei uh hi.

Luka 21:37

Tua sungteng nisimin Jesuh in biakinn-ah thu hilh a, nitak ciangin paikhia-in Oliv Mual tungah a giak zel hi.

Luka 21:38

Ama thuhilhna a ngai dingin mi khempeuh zingsang simin biakinn-ah hong pai baih uh hi.

Luka 4:20

Hih thu a kigelhna munteng a simkhit ciangin a laibu khupin biakinn nasempa tungah pia kikin a tu hi. Kikhopna inn sungah a om mi khempeuh in limtakin amah a en uh hi.

Luka 5:3

Tua gunkuangte sung panin Simon’ gunkuang sungah Jesuh tuang a, lei tawh tawm a kigamla zek dingin a gunkuang tawm a hawh nadingin Simon kiangah a gen hi. Tua ciangin gunkuang sungah tu a, tua lai panin thu a hilh hi.

Johan 4:34

Tua ciangin Jesuh in, “Keimah hong sawl pa’ deihna bangin na semin, sep dingin hong piak nasep zawhna pen ka nuntakna an ahi hi.

Johan 8:20

Jesuh in hih thute pen sumpi khiatna kuang a kikoihna biakinn dei sungah a gen hi a, ahi zongin ama hun tung nai lo ahih manin kuamah in amah man lo uh hi.

Johan 8:3

Tua laitakin Thukham hilh siate le Farisi mite in pasal tawh a mawh laitakin a kiman numei khat hong paipih uh a, amaute mai-ah a dingsak uh hi.

Sawltak 5:21

Ama gen mah bangin sawltakte zong zingsang ciangin biakinn-ah pai-in thuhilh ding a kipan uh hi. Siampi lianpen pa le ama kikholhpihte in ulian kikhopna a cingtaak khat a omtheih nadingin Jew mi upa khempeuh a kikhop nadingun a sam uh hi. Tua khit ciangin thong panin sawltakte va kai-in uliante mai-ah a hong paipih nadingun palikte a sawl uh hi.