Johan 8:18 - Tedim Bible

¹⁸ keima a’ ding teci ka pang a, kei hong sawl Pa Pasian in zong keima a dingin teci a pang hi,” ci-in a dawng hi.

Tedim Bible Revision 2017

¹⁸ keima ading teci ka pang a, kei hong sawl Pa Pasian in zong keima adingin teci a pang hi,” ci-in a dawng hi.

Johan 8:18 Iomraidhean Croise

Gamlak-vakna 35:30

Khatpeuh in mi khat a thah leh, tecite’ genna siksanin mi that pa kithat ding hi. Ahih hangin teci khat bek’ teci panna siksanin kuamah kithat lo ding hi.

Johan 10:11

“Kei, tuucing hoih ka hi hi. Tuucing hoih in a tuute sihpih ngam hi.

Johan 10:14

Kei, tuucing hoih ka hi hi. Pa in kei hong thei-in, kei zong Pa ka theih mah bangin keimah in ka tuute ka thei a, ka tuute in zong kei hong thei uh hi. Tua ahih manin ka tuute ka sihpih ngam hi.

Johan 10:30

Kei le ka Pa pumkhat ka hi uh hi,” ci-in a dawng hi.

Johan 10:9

Kei, kongpi ka hi hi. Keimah tawnin a pai tuu khempeuh in lauhuaina tuakkha loin, a ututun sungtumin pusuakin lonona mun a mu ding uh hi.

Johan 11:25

Tua ciangin Jesuh in, “Keimah in a sisa mite thosakin a hingsak thei pa ka hi hi. Kei hong um mi peuhmah a sih hangin nungta ding hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 8:12

Tua khit ciangin Jesuh in mihonte kiangah a thugenna khatah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

Johan 8:25

Tua ciangin amaute in, “Nang kua na hi hiam?” ci-in a dot uh ciangin Jesuh in, “A kipat cil a kipan ka hong gensa mah ka hi hi.

Johan 8:38

Tua ahih manin keimah in ahihleh ka Pa’ hong lahsa thute bek a gen ka hi a, ahi zongin note ahihleh na pa uh hong sawl bangin a gamta na hi uh hi,” a ci hi.

Johan 8:51

A mantakin ci lehang, keima thuhilhna a zui peuhpeuh si nawn lo ding hi,” ci-in a dawng hi.

Johan 8:58

Jesuh in, “A taktakin ci lehang, Abraham a pian’ ma-in kei ka omkhin hi,” ci-in a dawng hi.

Hebru 2:4

Amaute’ thugenna banah Pasian in vangliatna lim, le nalamdang a tuamtuamte bawlna tawh hong genbeh lai hi. Tua banah ama hoihsak bangin Pasian in Kha Siangtho zong hong hawm lai hi.