Johan 8:14 - Tedim Bible

¹⁴ Jesuh in, “Kei le kei a kigentawm ka hih hangin ka thugente a man mah hi veve hi. Bang hang hiam cih leh koi panin hong pai-in koi lai-ah pai ding cih ka kithei a, note in kei ka hong paikhiatna le ka pai nading a thei lo na hizaw uh hi.

Tedim Bible Revision 2017

¹⁴ Jesu in, “Kei le kei a kigentawm ka hih hangin ka thugente a man mah hi veve hi. Bang hang hiam cih leh koi panin hong pai-in koi lai ah pai ding cih ka kithei a, note in kei ka hong pai khiatna le ka pai nading a thei lo na hizaw uh hi.

Johan 8:14 Iomraidhean Croise

Paunak 8:7

Ka thugente a man bekbek hi a, zuauthu ka deih kei hi.

Gamlak-vakna 12:3

Moses a lungnem mahmah hi a, leitung a om mi khempeuh sangin a lungnemzaw ahi hi.

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasian’ Tapa ka hi hi,’ ka cih ciangin bang hangin Pasian simmawhbawl hong cithei na hi uh hiam?

Johan 13:3

A Pa in ama khut sungah vangliatna khempeuh a piakna le Pasian in amah a sawl mah bangin tu-in Pasian kiangah a paikik ding ahihna thu zong a thei hi.

Johan 14:10

Kei pen Pa tawh pumkhat ka hih lamtak um lo na hi hiam? Note tungah ka hong gen thute keima thu bek tawh a hong gen ka hi kei a, kei tawh a om Pa Pasian in na semin a hong gen ahi hi.

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesuh in, “Kumpi hi, nangmah in na hong ci hi. Hih thuman a genkhia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 5:31

“Keima thu tawh kisai-ah kei mahmah in teci pang leng kuamah in a thumanin sang thei lo ding hi.

Johan 8:42

Jesuh in, “Kei pen Pasian kiang panin hong pai-in hih lai-ah hong om ka hih manin, Pasian pen na pa taktak uh hileh kei na hong it ding uh hi. Keima thu-in a hong paitawm ka hi kei a, ama hong sawl ka hi hi.

2 KORIN NIHNA 11:31

Topa Jesuh’ Pa Pasian in thupha ngah tawntung tahen. Amah in ka zuau hetloh lamtak a hong thei hi.

2 KORIN NIHNA 12:11

Note in kei a hong pakta ding hinapi-in hong pakta lo na hih manun note’ bawlin mihai bangin kisialin ka gamta hi. Bang hang hiam cih leh kei pen bangmahpi ka hihloh hangin sawltak thupi mahmahin na ngaihsutte uh sangin themkhat zong ka neuzaw tuan het kei hi.

2 KORIN NIHNA 12:19

Note mai-ah ka mawhna uh a kiphelphel bang khatin na hong ngaihsut khak uhleh tua bang hi lo hi. Lawmte aw, ka hihna khempeuh uh note’ phattuam nading ka deihna uh tawh Khrih in kote’ gen ding a hong deih bangin Pasian’ mai-ah thu genin nasem ka hi uh hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,

Mangmuhna 3:14

“Laodisia khua pawlpi vantungmi kiangah lai gelh inla, thuman le citakin teci a pang, Pasian’ piansakte khempeuh a kipatna ahi Amen’ thugen in: