Johan 7:37 - Tedim Bible

³⁷ Pawi bei ni ding pen a thupi pen ni hi a, tua ni-in mihon lakah Jesuh dingin nakpitakin kiko a, “A dangtak na om uhleh ka kiangah hong pai unla tui hong dawn un.

Tedim Bible Revision 2017

³⁷ Pawi bei ni ding pen a thupi pen ni hi a, tua ni-in mihon lakah Jesu dingin nakpi takin kiko a, “A dangtak na om uh leh ka kiangah hong pai unla tui hong dawn un.

Johan 7:37 Iomraidhean Croise

Nehemiah 8:18

Tua hi a, a kipat ni a kipan a bei ni dong Ezra in ni simin Pasian’ thukham laibu a simkhia hi. Amaute in ni sagih sung tua pawi kham uh a, a ngeina om bangin a ni giat ni-in pawi khupna thupi kikhopna khat a om hi.

Late 143:6

Thu ngenin nang lamah ka khutte ka hong zan a, lei keu in tui a duh bangin nang ka hong duh hi.

Late 42:2

A nungta Pasian kong deih hi. Cik ciangin kei hong pai-in Pasian’ maitang hong mu thei ding ka hi hiam?

Late 63:1

Pasian aw, keima Pasian na hi hi. Nangmah kong zong a, ka lungsim khempeuh tawh nang kong deih hi. Tui om lohna gamkeu bangin ka pumpi bup in nang hong deih hi.

Paunak 1:20

Ngai in! Kongzing lampi le van kizuakna phualpi-ah pilna hong kiko hi.

Paunak 8:1

Ngai un! Pilna in hong sam a, thungaihsut theihna hong kiko hi lo ahi hiam?

Paunak 8:17

Kei hong itte ka it a, kei hong zong peuhmahte in hong mu uh hi.

Paunak 8:3

khuapi lutna lampi gei-ah, mi omna kongpi tualah hong kiko a,

Paunak 9:3

Khuasung munsang khempeuh panin mi a sam dingin a nasem numeite sawl a,

Solomon la 5:1

Itluat ka lawmnu aw, ka huansung hong tungzo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.

Isaiah 12:3

Tui siangtho in a dangtakte a lungdamsak mah bangin, Pasian’ hotkhiatna in a mite lungdamsak ding hi.

Isaiah 40:2

Dam takin Jerusalem mite hopih un. Amau’ gimna hun beita a, amau’ mawhna kimaisakin, amau’ khialhnate hangin Topa in a kicingin gim pia khinzo ta hi, ci-in amau tungah gen un.

Isaiah 40:6

Awging khat in, “Kiko in!” hong ci hi. Tua ciangin keimah in, “Bang thu kiko ding ka hi hiam?” ka ci hi. “Mi khempeuh, lopa bang hi a, ama hoihnate khempeuh gamlakah a om pak tawh kibang lel hi.

Isaiah 44:3

“Bang hang hiam cih leh a dangtak leitang tungah tui ka sung ding a, lei keu tungah luitui ka luangsak ding hi. Na suanlekhakte tungah ka kha ka sung ding a, na tu na tate tungah ka thupha ka pia ding hi.

Isaiah 55:1

A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

Isaiah 58:1

Na aw siit hetloin nakpitakin kiko inla, peengkul aw bangin gingsak in. Ka mihingte tungah amau’ khialhnate gen inla, Jakob innkuan tungah amau’ mawhnate gen in.

Jeremiah 16:19

Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuauthu le bangmahin a kimang lo milimte longal bangmah dang a luah kei ding uh hi.

Jeremiah 2:2

“Pai inla, Jerusalem khuamite’ zak dingin va taangko in. Topa in kong cihin-ah: Na khangno lai-a nong kipiakna, na mothak lai-a nong itna, a kikho nai lo gamlakah kei’ nung nong zuih lai hun ka phawk hi.

Ezekiel 47:9

Hih tui a luanna mun peuhpeuhah ganhing namkim le ngasa tampi om hi. Hih tui in Si Tuipi tui siangsakkikin, a luanna peuhpeuhah nuntakna omsakkik ding hi.

Siampi Laibu 23:36

Ni sagih sung note in Topa’ tungah meihal biakna na pia ding uh a, a ni giat ni-in a siangtho kikhopna khat nei-in, Topa’ tungah meihal biakna na pia ding uh hi. Tua pen a thupi kikhopna khat hi a, note in thatang nasep na sem kei ding uh hi.

Siampi Laibu 23:39

“Note in leitang a piangte na kaihkhop khit uh, kha sagihna, a ni sawm le nga ni a kipan ni sagih sung Topa’ pawi na bawl ding uh hi. A ni masa ni pen a thupi tawlngakna khat hi a, a ni giat ni zong a thupi tawlngakna khat mah hi ding hi.

Micah 6:9

Topa, zahtak ding kilawm hi. Khua sungah amah hong kiko a, “Ngai un, khuapi sungah a hong kikhawm mite aw.

Zekhariah 9:15

Vanglian Topa in ama mite hu ding a, ama mite in a galte uh susia ding hi. Galdona sungah zukham bangin awng gawp ding uh a, a galte uh’ sisan luangsakgawp ding uh hi. Biakna site, biakna tau tungah hai a sun tawh kibangin a luangsak ding uh hi.

Gamlak-vakna 29:35

“A ni giat ni-in a thupi kikhopna khat na nei ding uh a, tua ni-in leitung nasep na sem kei ding uh hi.

Mattiu 11:28

“Na semin vangik pua-in a gim mite khempeuh aw, ka kiangah hong pai ta un. Note tungah lungsim tawldamna ka hong pia ding hi.

Mattiu 3:3

Kamsang Isaiah in, “Gam sungah mi khat kiko a, ‘Topa’ pai nading lampi bawl unla, a tot ding lampi tangsak un,’ ci hi,” ci-in a gen ciangin hih Johan’ thu a gen ahi hi.

Mattiu 5:6

Pasian’ deihteng sep ding a hanciamte Pasian in lungkimna ngahsak ding ahih manin thupha ngah mi ahi uh hi.

Johan 1:23

Johan in, “Kamsang Isaiah in a na gen mah bangin, ‘Topa’ tot ding lampi na tangsak un,’ ci-in gam sungah a kikopa ka hi hi,” ci-in a dawng hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 4:10

Jesuh in, “Pasian’ hong piaktheih dingte le tuidawn ding hong ngen pa theitel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

Johan 4:11

Tua ciangin numei in, “Sia aw, tuikhuk thuk mahmah a, ahi zongin tui khai nading bangmah na nei kei hi. Koi panin tua nuntakna tui ngah thei ding na hi hiam?

Johan 4:14

ahi zongin keima piak ding tui a dawn khempeuh dangtak kik nawn lo ding uh hi. Tua ka piak tui a dawnte sungah nuntakna tuinak piang ding a, a nungtasak paisuak ding hi,” a ci hi.

Johan 5:40

na nuntak theih nadingun kei kiangah nong painuam kei veve uh hi.

Johan 6:35

Tua ciangin Jesuh in, “Kei pen nuntakna an ka hi hi. Ka kiangah hong paite gilkial ngei nawn lo ding a, kei hong umte dangtak ngei nawn lo ding hi.

Johan 6:37

Ka Pa in kei tungah a hong piak mi peuhmah ka kiangah hong pai ding a, ka kiangah a hong pai mi peuhmah ka hawlkhia kei ding hi.

Johan 6:55

Bang hang hiam cih leh ka sa, an taktak hi a, ka sisan, dawn ding tui taktak ahi hi.

Johan 7:28

Tua ahih manin biakinn sungah a gen mah bangin mi khempeuh zakin genkhia a, “Kei hong theitel taktak a, ka hong piankhiatna mun a thei takpi mah na hi uh hiam? Keima thu tawh a hong paitawm ka hi kei hi; kei a hong sawl a thuman pa a thei lo na hi uh hi.

1 KORIN MASA 10:21

Note in Topa tawh nekkhawmna hai sung pan le dawi tawh nekkhawmna hai sung panin na dawnkhawm thei kei ding uh hi. Topa tawh nekkhawmna an leh dawi tawh nekkhawmna an zong na nekhawm thei kei ding uh hi.

1 KORIN MASA 10:4

a vekpi mahun kha tawh kisai tui na dawn uh hi. Bang hang hiam cih leh amaute a tonpih, kha tawh kisai suangpi panin tui na dawn uh a, tua suangpi pen Khrih ahi hi.

1 KORIN MASA 11:25

Tua mah bangin nitak an a nekkhit uh ciangin hai la a, “Hih hai sunga om leenggahzu pen keima sisan tawh a kikipsak Pasian’ thuciamna thak ahi hi. Hih bangin na dawn simun, kei na hong phawk nadingun na dawn un,” ci hi.

1 KORIN MASA 12:13

Jew mi ihi a, Gentail mi ihi zongin, sila ihi a, sila ahi lo ihi zongin, eite minam tuamtuam ihih hangin Kha Siangtho khat bek mah in Jesuh’ pumpi a suak dingin ama sungah hong phum a, eite khempeuh tungah a hong kipia pen tua a kibang Kha Siangtho khat bek mah ahi hi.

Efesa 5:18

Zu in mi siasak thei ahih manin zu ne kei unla, Kha Siangtho tawh a kidimin omzaw un.

Mangmuhna 21:6

Tua ciangin amah in, “Tu-in man khinta! Kei pen a kipatna le a tawpna a cihna Alfa le Omega ka hi hi. A dangtak mi khempeuh tungah nuntakna tuinak panin a khongin tui ka pia ding hi.

Mangmuhna 22:1

Tua ciangin vantungmi in Pasian le Tuuno tokhom panin a hong luangkhia, kristal suangmanpha bangin a tee selsel gun tui hong lak a,

Mangmuhna 22:17

Kha Siangtho le Mothak in Jesuh kiangah, “Hong pai in,” a ci uh hi. Hih thu a za mi khempeuh in zong Jesuh aw, “Hong pai in,” ci ta uh hen. A dangtak mi khempeuh hong pai uh hen la, a deih khempeuh in nuntakna tui a khongin hong la ta uh hen.