Johan 7:36 - Tedim Bible

³⁶ ‘Kei nong zon uh hangin nong muzo kei ding uh hi,’ a cihna leh ‘Keima omna munah nong pai thei kei ding uh hi,’ a cih ciangin bang a cihnopna hi ding ahi hiam?” ci-in a kikum uh hi.

Tedim Bible Revision 2017

³⁶ ‘Kei nong zon uh hangin nong mu zo kei ding uh hi,’ a cihna leh ‘Keima omna munah nong pai thei kei ding uh hi,’ a cih ciangin bang a cihnopna hi ding ahi hiam?” ci-in a kikum uh hi.

Johan 7:36 Iomraidhean Croise

Johan 12:34

Tua ciangin mihonte in, “Khrih nungta tawntung ding hi, ci-in Thukham sungah kigen hi. Bang hangin Mihing Tapa kikhaito ding ci na hi hiam? Hih Mihing Tapa kua ahi hiam?” a cih uh ciangin

Johan 13:33

Ka tate aw, note tawh sauvei ka hong omkhawm nawn kei ding hi. Note in kei na hong zong ding uh a, ahi zongin Jerusalem khua-a Jew uliante kiangah, ‘Ka paina munah na hong pai thei kei ding uh hi,’ ci-in ka gen mah bangin note kiangah zong tu-in ka hong gen hi.

Johan 3:4

Tua ciangin Nikodemas in, “Mi khat a teek khit ciangin bangci suahkik thei ding ahi hiam? A nu’ sungah lutkikin suakkik thei ding ahi hiam?” ci-in a dot ciangin

Johan 3:9

Tua ciangin Nikodemas in, “Hih thu bangci piantheih mawk ding ahi hiam?” ci-in a dot ciangin

Johan 6:41

Jesuh in, “Kei pen vantung panin a hong pai an ka hi hi,” a cihna hangin mihonte phun ngeingai uh a,

Johan 6:52

Hih bangin a thugenna hangin mihonpite khatlekhat kitawng uh a, “Bangci-in hih mipa in nek dingin ama sa hong piathei ding ahi hiam?” a kici uh hi.

Johan 6:60

A nungzuite nangawn un hih thu a zak ciangun, “Hih thugen haksa lua hi. Kua in zuizo ding ahi hiam?” a ci uh hi.

Johan 7:34

Keima omna munah note hong pai thei lo ding na hih manun tua hun ciangin kei nong zon uh hangin nong mu kei ding uh hi,” a na ci hi.

Johan 8:21

Tua ciangin Jesuh in amaute kiangah, “Kei ka paikhia ding hi. Note in kei na hong zong ding uh a, ahi zongin na mawhna uh na sihpih ding uh hi. Ka paina-ah note na hong pai thei kei ding uh hi,” a ci hi.

1 KORIN MASA 2:14

Ahi zongin Kha Siangtho a nei lo mite in Pasian’ Kha Siangtho in a hong piak nate sang thei lo uh hi. Kha Siangtho a nei mite bek in theithei uh ahih manin amaute in tel thei lo uh a, amau a dingin a haihuai thu khat ahi lel hi.