Johan 7:32 - Tedim Bible

³² Hih bangin mihonpite a kihona thu Farisi mite in za uh ahih manin amaute le siampi liante in Jesuh a man dingin biakinncing palikte pawlkhat a sawl uh hi.

Tedim Bible Revision 2017

³² Hih bangin mihonpite a kihona thu Farisi mite in za uh ahih manin amaute le siampi liante in Jesu a man dingin biakinn cing palikte pawl khat a sawl uh hi.

Johan 7:32 Iomraidhean Croise

Mattiu 12:14

Ahi zongin Farisi mite paikhia uh a, Jesuh a thahtheih nading uh vai a hawm uh hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Mattiu 26:58

Peter in siampi lianpen pa’ inntual ciang dong Jesuh’ nung galzuih a, bang thu a piang hiam cih a theih nadingin inntualah palikte kiangah a om hi.

Johan 11:46

Ahi zongin amaute pawlkhat Farisi mite kiangah pai-in Jesuh’ sep nate a va ko uh hi.

Johan 12:19

Tua ciangin Farisi mite khatlekhat kiho uh a, “Bangmah i cihzo het kei hi. En un, mi khempeuh in amah a zui khinta uh ahi hi,” a kici uh hi.

Johan 18:3

Tua ahih manin Judas zong, siampi liante le Farisi mite in a sawl galkap honkhat le biakinncing palik pawlkhat tawh hiam tawi-in lalcin leh meilah de-in tua huanah a hong pai uh hi.

Johan 7:30

Tua ciangin amaute in Jesuh mat ding hanciam uh hi; ahi zongin ama hun tung nai lo ahih manin kuamah in va su lo hi.

Sawltak 5:26

Tua ciangin biakinn ukpa le a mite va pai-in sawltakte hong paipih kik uh hi. Mihonte in suang tawh amaute a dengawp khak ding lau uh ahih manin sawltakte ngongbawl loin thudam tawh a paipih uh hi.

1 SAMUEL MASA 19:20

Tua ciangin David a man dingin Saul in mi sawl hi. Amaute in kamsang honte laamin awngin omin, amaute a makai-in Samuel a ding a muh uh ciangin, Saul’ sawltakte tungah Pasian’ kha hong tung a, amaute zong laamin a awng uh hi.